日行三萬步既旅程，真係倦到唔識郁，泥左荷蘭七日，去左兩個風車村，本來想記錄一下對兩個地方既感覺，但要整理既資料比較多，都係遲尐先﹗﹗尋日係4月27號，正好係荷蘭既國王日 - KING'S DAY / KONINGSDAG，人在阿姆斯特丹，當然要去湊下熱鬧，而慶祝國王日既指定動作係 - 橙色﹗﹗由26號開始，就開始見到有商舖推橙色物品出泥吸引顧客，真係想扮唔知都唔得﹗﹗ 不過就咁，假若你都打算以橙色裝束出去湊熱鬧，就要有心理準備會有人搵你玩，友善既會向你SAY個HI，熱情既會過泥搞下你，攬下你，哩個情況就要小心啦﹗因為唔知對方係純粹熱情，定係扒手，所以財物都係盡量放係內袋，拉好拉鍊/扣好鈕，總之唔可以伸手就拎到既，咁就玩得安心又放心啦﹗﹗ 每有大型慶祝，都要小心扒手 早年去過德國啤酒節，當時係由SALZBURG一早搭火車過MUNICH再轉地鐵去啤酒節現場，好記得一大清早，已經見到好多著哂德國傳統服既男男女女拎住啤酒上車，情緒好高漲咁向啤酒節出發，去到啤酒節現場，就好次一個好大型既嘉年華會，男女老幼一齊聚集係個樹慶祝，氣氛熱鬧，秩序良好﹗﹗但印象中唔會有好多差人係附近巡邏/留守，而今次荷蘭既國王日哩﹖就係另一個境況﹗﹗ 對歷史同文化都唔熟悉，只係好奇，點解大家都以橙色打扮，而唔係以荷蘭傳統服為題哩﹖我知橙色係荷蘭既國色，但著傳統服慶祝國王日唔係仲有特色咩﹖﹖不過，無可否認，橙色真係好熱鬧既﹗﹗ 泥自各地既旅客由中央車站趕至 為左方便旅客搵路，會有指示去唔同目的地既步行時間 唔識路都可以問路 大家都向市中心方向行 大家都悉心打扮 也有有趣的裝束 有流動小販出售有趣配飾 也有以勁歌招來顧客 尋日大概十二點由旅館向中央車站走，見到好多旅客紛紛由各地搭火車泥到，都真係好墟陷下，唔同既橙色配襯，有有型既，亦有可愛既，也有搞鬼既，沿路行去DAM SQUARE都會有人叫喊（唔知叫咩），亦有商舖會播勁歌，一早氣氛就已經好濃厚。 本來天氣預報話係天陰，又幾好彩，都有放晴既時候，有太陽，大家就顯得份外精神﹗ 大家都聚集係DAM SQUARE 横街也有DJ播歌賣酒 DAM SQUARE附近更是熱鬧非常 也有宗教團體趁機募捐 有型的老夫婦 亦有人會選擇游河 但見到警察門不敢鬆懈，嚴陣以待 警察以單車作巡邏 咁樣四圍行下睇下，都行到3點幾，其實好早已經見到四圍有飲醉既人，沿路亦聞到好臭既大麻味。為左避免男士四圍去廁所，所以增設左流動尿兜，但比女仕既流動廁所就唔係好覺﹗﹗後尾要走左麥當勞搵廁所（收費的啊），但好似都排左半個鐘，萬一急都唔點算﹗﹗ 男士有戶外既便廁 跟住就去左VAN GOUGH MUSEUM睇野，睇完已經8點幾，返回街上都依然熱鬧，假如要我形容，其實應該係滿目瘡痍。 晚上八時多，街上仍然熱鬧 橙色的確讓人聯想起工程人員 街上小販看來收穫普通 快9點，小販準備收拾 有趣的紅蘿蔔先生 為求大家注目既打扮 搞鬼的叔叔 有人向巡邏車求助 有人走得累了，搭個便車 熱鬧過後，滿街垃圾 情況有如大戰過後 街上依然熱鬧 報稱是全城最熱賣的薯條，到晚上點多，終於人潮減去，可以買一個來試試了 行左一日，真係腳都斷﹗﹗有機會的話，4月27到荷蘭感受一下KING'S DAY既熱鬧氣氛，但記謹要小心財物，沿路旳確有好多人突然過泥搵你玩，除非你唔參加，要不都要能太抽離，好難分得清邊個係善意，邊個唔係，當有身體接觸，一個不留神或會招至財物損失，所以都係輕便裝束，同埋錢銀收係貼身同無法伸手可及既地方啦﹗﹗
