瑞士蘇黎世中央車站內既廁所 印象中去過最貴既廁所係係瑞士蘇黎世火車站既廁所﹗諗返起覺得搞笑，但當時實際情況都幾尷尬既﹗﹗當時唔係我要去，而係大叔搞肚痛（拜託千萬別看這篇啊﹗），望到收費係CHF1.5（當時匯率大概係HKD15左右啦﹗），肚痛起泥，幾錢都要比啦﹗佢入左去我就係門外等，但望下望下個公仔覺得疑感，點解。。。個公仔得尿兜既﹖﹖又。。。隔離仲有另一個門口，而收費係CHF2﹗出事啦，原來係唔同收費架，座廁要係另一個門口入，但佢又係入邊，咁點算哩﹗﹗當然，佢搵左一輪發現無佢要既野，好快趣都行返出泥﹗好彩當時廁所內有清潔工，哩種情況都應該經常發生，於是補返差額就可以過隔離，唔使再比多次錢﹗﹗ 而今次既旅程，除左遇上廁所既鏡太高，照唔到自己之外（雜記三），仲遇到另一樣好有趣既設備﹗﹗不過哩樣設備係男士專用﹗﹗ 係荷蘭街頭經常都會見到到既街廁 嚴格泥講，佢唔稱得上為尿兜，因為根據用家話，入面係無盛器既，只係得一塊斜板將尿向下卸，地下亦唔見有特別既去水位，只係等尐尿自然咁撒開﹗﹗（諗起都唔得﹗），係旅途中見到時有放過上FACEBOOK，當時有個無聊朋友問，咁點洗手呀﹗白痴吖你（台灣女生口音），哩個裝置純粹係比男仕係一個稍為無咁公開既地方小解，你估仲會得閒諗洗手咩﹖﹗ 先說明一下，旅遊書既荷蘭部份有介紹哩個東東，但佢唔係荷蘭獨有，後來係比利時都有，而用家話，比利時個個入面係有個兜既。後來，係國王日之前，大小街角發現多左樣咁既野﹗ 國王日一早就見到一班人排隊 哩個係一個同時間可供四人使用既流動尿兜，有尐會有條喉駁去去水位，但有尐就無﹗﹗其實都幾搞笑架，對女仕泥講，去廁所係一件好私人又好私隱既事，但男仕竟然可以咁公開，係真心公開架喎﹗我有見過男仕係離遠去，姐係。。。好似拉茶咁哩﹗﹗（哈哈，SORRY），又經常都會係一邊小解一邊飲野，啤酒汽水咩都得，食雪糕亦可﹗﹗最妙既我地有見過有人一邊去緊廁所，一邊同朋友自拍，真係神乎奇技呀﹗﹗哩種流動尿兜，除左係荷蘭同比利時見過，朋友話原來德國同瑞士都有，可能始終自己唔會用，之前真係無為意，係今次因為國王日先發現原來有個咁既裝置﹗﹗ 真心，自己用唔著真係無咁關心，只係唔明，點解剩係方便男仕，而無流動廁所比女仕既哩﹖﹖外國既女仕唔使去廁所既咩﹖假如你話，飲左啤酒特別想去廁所，咁，歐洲女仕唔飲啤酒既咩﹖﹖係荷蘭、比利時既街上唔係好覺有公廁，假如真係要去廁所，就要搵老麥或KFC之類既快餐店（哩尐舖頭既廁所都要收費，一般都係€0.5），收費唔重要，起碼我知邊度可以有廁所吖﹗﹗對於一個唔識路既旅客，感覺真係好唔方便﹗其他歐洲國家，好多時係街上會有指示牌話你知幾遠會有公廁（雖然唔算多），但今次既旅程真係唔覺﹗搞到我四圍搵老麥﹗全個旅程我地只遇過一、兩個公廁，不過記住留意有部份係有時限架，假如係搞肚痛，公廁應該幫你唔到，因為佢會係20分鐘後自動開門﹗﹗ 難得係街上搵到公廁 記住有時限，朋友話之前試過，過左20分鐘係會自動開門架喎 講到廁所，今次其中一個目的地 - 盧森堡，不愧係金融城市，可能比較有錢，四圍都有公廁，仲係唔收費既添，最體貼既係照顧埋傷殘人仕，萬一公廁設於地庫，會有自動升降板方便輪椅人仕，真係好貼心既城市規劃﹗ 盧森堡不但隨處都有免費公廁，仲顧及到傷殘人仕既需要 最後有件趣事想分享﹗﹗係大叔係比利時某餐廳既廁所所見﹗﹗話說，一入到洗手間就見到下圖左手邊既設施，咁好理所當然地假設佢係洗手盆啦﹗﹗之但係繼續往內走，都依然見到兩個洗手盆模樣既野（右手邊個兩個），而且高度一樣﹗再往前走就係廁格﹗ 媽，好迷惘耶，點解咁多洗手盆架﹖定係尿兜同洗手盆一樣樣哩﹖﹖最莫明奇妙既係，點解個洗手盆同尿兜係一樣高既哩﹖﹖ 左右兩邊係同一個廁所見到既設施，左手邊係一入門見到既，然後再往內走就見到右手邊既，佢地係一樣高既﹗﹗
