利申一下先，我係小矮人，身高唔夠150，平日影相經常都被無視，尐人係會係你面前直行直過。話說個日去KEUKENHOF睇花，對對下焦，突然有個男人企左係我面前，於是我拎開相機等佢行開，點知佢完全無反應﹗佢係同家人一齊泥既，佢應該係度搵緊方向，等左一陣，佢先突然發現面前有一個小矮人，佢都即時講SORRY，我答，NO WORRY，I KNOW I'M TOO SMALL, AND OBVIOUSLY I'M OUT OF YOUR EYE SIGHT... KEUKENHOG的鬱金香花田 然後大家都笑了，連佢家人都連忙道歉，但我真心無所謂，由細到大都知比人矮少，也習慣了，有時自嘲一下也無妨﹗﹗ 又話說，女仕去洗手間一般會以無影櫈既姿態，但當年去奧地利有好深印象，就係座廁太高，連坐上去都有問題，更莫論用無影櫈既方式，當時心諗，原來奧地利人咁高既咩﹖﹖但係街上面又唔特別覺當地人好高﹗﹗ 反而係德國，雖然係街上個個都高頭大馬，上廁所卻沒半點問題﹗﹗查實，佢地都有小朋友既姐，座廁咁高，小朋友點算﹖﹖ 點解突然又講高度問題﹖﹖哈哈，早兩晚係羊角村留宿時遇到有趣經歷，不解說了，直接睇圖吧﹗﹗ 係廁所既鏡入面係完全睇唔到自己 屋裡既掛衫架又完全掂唔到 其實屋主唔特別高，大概六呎左右吧，但一入到屋自己都忍唔住笑，廁所個鏡係完全照唔到，個掛衣架又高到要跳起先用到咁﹗﹗ 得知荷蘭人係全世界平均身高最高既國家，過左泥幾日，係街上特別見到高頭大馬既男仕，反而就女仕們都普遍都高﹗﹗ 4月27係荷蘭既KING'S DAY，各地既人都會慶祝，而AMSTERDAM應該特別熱鬧，一個小矮人係人群中到底會點哩﹖﹗
