21號凌晨機由香港搭乘因航直飛比利時布魯塞爾，然後因為鐵路工程改道，被迫跌跌撞撞先過到鹿特丹。都未泥得切開始寫行程，原來就已經泥到旅程既第六日，夏季既歐洲日長夜短，活動既時間特別多，也就是說，休息既時間更少﹗ 日日都踩幾個鐘單車，然後又行幾個鐘，真係倦到無朋友﹗﹗直到尋日出既文章，都係出發前預先準備好既，本來仲諗住要稍稍暫停一下，但尋晚發生左件事，實在唔寫唔得，個心到依家都仲驚緊﹗﹗ 話說，尋日大概傍晚7點幾左右，我地由中央車站附近既住宅式旅館想行去NIEWUMARKT EN LASTAGE 區既SPAR超市買野煮飯食，GOOGLE MAP話行過去要17分鐘，步程不算遠，而且沿途都有風景可以影下相﹗﹗ 主要諗住買餸，只係將銀包同手機放左係外套既內格，其他証件相件咩都無拎（平時証件我一定跟身的，真係好少有會唔拎），咁大叔就咁拎住部MARK III出門﹗ 點知行行下，有個男人拎住張地圖迎面走過泥，話佢攞錯ROTTERDAM既地圖，而佢又無智能電話用唔到GOOGLE MAP，向我地問路﹗當時已經表示唔識路，但佢一路攔住我地，話佢由土耳其泥，繼而拎部古董電話出泥話無GOOGLE MAP，叫我地借電話比佢睇GOOGLE MAP﹗ 傻的嗎﹗﹖梗係打死唔拎借，只係問佢，你要去邊﹖但佢就繼續扮無辜話攞錯地圖之類之類﹗我地正想走人之際，又有另一個深色皮膚既男人走埋泥，出示左証件話件差人，但根本睇唔睇楚佢就收埋左，然後就問我地做咩﹖問我地係咪識既之類，叫我地出示PASSPORT，咁我地答無，漏左係酒店（咁事實又真係無喎）。 然後。。。然後佢就解釋話附近好雜，怕有人泛賣毒品作不良交易，當時我地已經肯定係有問題，係荷蘭玩左幾日，係大廣場，火車站附近泊有好多警車，情況同羅馬/秘魯利馬情況類同，警車唔係代表安全，警車係意味住治安唔好先需要停哂警車係度﹗ 而哩位人兄又無著制服的，我都唔肯定哩兩個人係咪夾埋，總之就心知不妙，佢講完一大堆廢話，就話要睇我地銀包，痴痴地﹗個個土耳其人好乖咁拎左出泥，個個"差人"睇完就比返佢﹗個個人個銀包有好多美金同歐羅，但個個"差人"睇完就比返佢，我好相信佢係想比我地覺得安全，唔會比佢拎走啲錢﹗然後當然係問我地要銀包啦，我地好肯定要盡快進開，於是答we don't have money, we don't have a problem﹗ 我懷疑因為大叔都算高大，佢都唔敢為難我地，講完，ok, you don't have a problem, then you can go now，真係就咁就了事，咁更明顯係呃錢黨。 若然突然有人係街話要睇你証件，盡量話無帶，假如佢再問，就拎影印本出泥（出門前記緊準備）﹗﹗唔好比銀包過佢手，不過我都明當發生既時候係唔知點算既，所以都係一班人同行，同埋唔好行偏僻既路，咁囉﹗﹗ 雖然諗返起都仲有尐驚，真心驚，人生第一次，亦希望係最後一次﹗ 案發地點 我地最初係行近屋個邊，後來回程就行河個邊
