有緣的話，或者你都可以係度見到袋鼠 好明顯係掛住準備出發去比利時，但又想趕及係近旅程之前完成之前旅程既資料，寫得特別馬虎求其﹗﹗原來係無提過係PRINCETOWN留宿既野﹗﹗ 塔斯十四日加大洋路三日，基本沿途都係住小屋，到旅程既感覺已經無咁強烈。依家睇返，塔斯除左租車費相對貴之外，原來住宿都係，好多時都要過AUD200一晚，而大洋路所住既兩個地方，APPOLO BAY既小旅館，到PRINCETOWN既獨立小屋，都只係AUD160一晚。 係PRINCETOWN所住既小屋，離十二門徒石公園只係5分鐘車程，最有趣既係，小屋對面既山丘，應該係袋鼠既聚居地﹗﹗話說我地到達當日，準備出發過返十二門徒石個邊影日落，係門口既空地望過對面山丘，突然見到一堆物體向右手邊方向（十二門徒石方向）移動，定神一看，原來係為數四、五十隻既袋鼠呀﹗對於我地哩尐城市人泥講，係野外見到咁多既袋鼠真係有尐唔敢相信﹗﹗只可識距離太遠，拎唔切相機﹗﹗如是者，第二晚亦有相同景況﹗ 估計佢地應該係返屋企既，如果係的話，姐係朝早應該都會見到佢地反方向咁走過泥啦﹗好無聊地，臨離開既早上又即管起身睇下會唔會見到佢地由十二門徒石個邊跳返過泥，真係好得意呀，原來佢地每日好似返工放工咁架，朝早真係會跳返過泥﹗ 點擊圖片放大 +4 小屋 點擊圖片放大 +3 屋主共有五間獨立小屋，有部份係相連，所以還是要顧及鄰居的感受，出入盡量輕聲﹗之前成日話電話咭唔可以只有數據，而係必需要附帶撥號功能。哩個堅持係哩個住宿點總算救左我地一命（有點誇張了吧﹗） 話說：屋主事先將每間小屋既鎖匙放左係門外既KEY BOX，按指示，屋主會事先將KEY BOX既密碼以電郵形式告知住客﹗好可惜，唔知咩解，我地一直都無收到相關指示，於是去到門外就企左係度﹗﹗好彩電話咭有通話分鐘，先可以搵到負責人問到密碼咋﹗﹗
