充滿好奇既小袋熊 係TASMANIA逗留左足足兩個星期，假如要講印象最深既，應該係LOWHEAD睇BLUE PENGUIN上岸築巢，同埋最後一日係一個保育園同WOMBAT小袋熊玩﹗﹗ 最後一晚係CURRINGA FARM留宿，老土尐講句，真係可以話係為塔斯之旅畫上圓滿既句號，好寧靜舒適既小屋，農莊主人又好貼心咁幫忙準備最新鮮最地道既食材，一訓醒就係充滿靈氣又舒適既環境，動手煮農莊主人代為準備既新鮮食材作為早餐，以告別塔斯之旅﹗ 一訓醒就係一個有靈氣既環境，夫復何求 材料都是農莊主人幫忙準備的新鮮食材 住客們請自律啊﹗ 連水源都是最原始的 環島跑了塔斯一圈，整整14天，路途上見過好多野生動物，但受法例所限 - 假如未經許可而觸踫受保護動物，好似會罰款AUD500（好似）一直都只能遠觀﹗ 離開左農莊之後，我地先去左一個保育園度參觀，哩個係保育園，同一般既動物園有所不同。有尐動物或因受傷，或因父母比車車死而成為孤兒，暫無法獨自生活，保育園會暫時照顧，但到康復/適齡，佢地會帶佢地返野外，等佢地繼續自由自在咁生活﹗保育園志力教育，希望多尐人能夠了解野生動物的需要同留意尐咩。 好有心既保育園 點擊圖片放大 +6 佢地都有樹熊，但唔會好似其他動物園咁比人抱，因為將來樹態要放返去野外，所以唔想佢同人類有接觸 保育園會有免費導賞環節，由保育員帶你遊園一週，講解每種暫居園內既動物既生態同習性﹗﹗保育園內其實都有袋鼠區，亦有TASMANIA DEVIL，不過，我對WOMBAT小袋熊比較有興趣，所以另外再參加多左一個環節，希望可以知多尐﹗﹗ 哩個WOMBAT環節，係由保育員帶住小袋熊同你係指定範圍有近距離接觸，上網報名個陣，本來係話會由保育員抱住袋熊BB比參加者摸下，順便講解佢地既生活習性﹗唔知好彩定唔好彩哩，我地參加個日，BB袋熊全部都哩埋係地洞入面，叫極都唔肯出泥﹗ 好好笑，當天保育員不停係地洞搵小袋熊都搵唔到 結果，佢地抱左一隻比較大隻既同我地見面 - 其實保育園入面只得4隻小袋熊，三隻BB，同一隻18個月大既小朋友，姐係話，同我地玩個個係18個月大既小朋友﹗ 可愛的小袋熊 充滿好奇既小袋熊 可能因為要額外付款，又或者所知既人不多，當日參加既只有4個人﹗我同大叔兩個，另外有一對外國情侶﹗個位女仕好明顯有尐失望，問點解唔係BB，投訴JUDY（小袋熊個名）太大隻，而我就開心到傻左，因為，佢實在太得意。 JUDY係孤兒，媽媽係公路比車撞死左，因為WOMBAT係袋類動物，好彩有好心人係佢媽媽既袋入面發現到佢，通知保育園帶左佢返﹗ 據保育員話，WOMBAT兩歲為成年，等JUDY滿兩歲就會放佢返野外繼續生活﹗WOMBAT係草食性動物，因為無咩防禦能力，所以習慣住係地洞﹗好有趣地，正因為佢地住係地洞，但又係袋類動物，所以佢地媽媽個袋，唔係係肚前面，而係屁股/尾巴附近架，咁樣佢地挖地洞既時候就唔怕BB係肚前面阻住﹗﹗ 而另一個有趣既係，當佢地真係遇到襲擊，佢地會圈縮身體，皆因佢地既尾骨係好堅硬既，無血管無神經線，即使比敵人咬到都唔會有好大傷害﹗假如有入侵者，雄性袋熊什至會用屁股撞擊敵人﹗ 保育員示範小袋熊既下背原來好堅硬 係網上搵到既相，袋熊BB既位置 個日我地四個人坐係長木櫈聽保育員講解袋熊既種種，但JUDY都有返咁上下大隻，保育員抱抱下都放左佢係長櫈等佢自己四圍行，好意外地，JUDY自己爬左上我大髀坐低左，係成隻好安心咁扒左係我對腳上面任我摸，我有開過口問保育員可否比我抱一陣，答案當然係NO LA﹗﹗因為係自己走埋泥我度，佢先唔阻止咋，點會肯比我抱﹗咁後來JUDY實在係我度太耐，保育員捉走佢去另一個參觀既女生附近，睇下佢肯唔肯靠近，個女仔係咁引佢，點知JUDY咬左個女仔條腰一啖，又回頭走返泥我度，再次扒左係我大腿﹗連保育員都話未試過﹗嘩，真係中左大奬一樣呀﹗﹗抵哂﹗﹗ 同小袋熊近距離接觸要另外報名，額外收費 JUDY自已走泥我樹，成日伏哂落我大髀，開心到痴左線咁（我話我） JUDY真係超級咁可愛，同佢玩完經已咩都唔記得，所以去參觀園區既其他動物時個心都仲係掛住JUDY﹗ 係保育園玩左一朝，本來諗住去附近既FRUIT FARM食個晏先去機場，點知，原來夏季佢地只會提供摘生果服務，無人煮野食﹗ 本來諗住去附近既FRUIT FARM食個晏，點知原來夏天只係可以摘生果，無人整野食 又唔想去到機場先食咁可憐，於是決定食多次生蠔﹗﹗ 點擊圖片放大 對住個靚景，食完個生蠔就出發去機場，結束塔斯之旅﹗﹗
