依家慣左用電子貨幣，平時一返到屋企，就會好順手咁將袋裡面既散銀掉哂落玻璃樽度﹗其實個袋入面明明係有個散銀包架，但好多事都係費用搵，萬一遇到仲係用現金交易既商舖，都會直接比紙幣等對方找﹗ 試過有一次係大埔既零食店買野，唉，間舖好平架，但大部份貨品都仲係會有點數位，姐係3.5、7.8之類﹗個次埋單，總數係50.2，真係眼都突，佢又唔肯收少我兩毫子，結果，就係比70蚊，然後找返19.8咁囉﹗大餅都仲好少少，有時過隧道都仲會用得著，毫子就真係~~~ 於是久而久之，屋企儲落一大堆毫子，又唔想去銀行排隊，但明知唔會用得著﹗﹗知道金管局有架神沙車，會去唔同既地區收銀仔，不過就真係要睇緣份﹗﹗ http://www.hkma.gov.hk/media/chi/doc/key-functions/monetary-stability/notes-and-coins/chi_coin_collection.pdf 早排知道有間私營機構話有部神沙機，都一樣可以收大餅毫子，可以直接將錢增值到八達通，上網搵過下資料，知道自己經常出沒，荃灣某個商場有哩部機，於是又的起心肝拎袋毫子出去換左佢﹗﹗ 去到綠楊坊，其實都搵左一陣，發現大家都對哩部機好有興趣，我相信除左我，的確仲有好多人有儲埋一大堆散銀毫子，假如唔想去搵金管個部神沙車，哩部機又的確會幫到手﹗之不過，要注意啊，部份係收手續費既，會係你存入既錢度收10%，其實都好合理姐，人地擺部機係度都要成本架，再者你唔想去排隊，咁人地幫你搞掂，無理由白做掛﹗﹗ 部機都方便用，只要你按屏幕指示，揀左你想啲錢係捐作慈善用途，入返你戶口，定八達通類，揀完就可以將你既散銀掉落去指定位置，部機自然會幫你數錢﹗﹗唔覺唔覺，原來我個袋毫子都有七十幾蚊（其實唔止，因為部機講明女皇頭既硬幣係唔收），查實唔算多，但總好過放係度又用唔著吖嘛﹗﹗ https://www.coindragon.co/ 按照屏幕指示，先選擇捐款定入戶口/八達通 然後就掉哂啲銀仔入去個格格個度 部機處理唔到既會自然跌返出泥（點解我有咁多女皇頭既毫子既哩﹗） 呵呵，都有七十幾蚊，雖然唔算多，但好過放係度唔用仲哂
