這篇草稿本在3月31就得完成，只是太累，打了一半就擱置了﹗﹗1月4日大概中午時份離開WINEGLASS BAY，又重新經過SWANSEA，係HOBART附近既汽車渡輪碼頭搭船過去﹗ 碼頭係一個叫KETTERING既地方，車程約3個半鐘左右，咁汽車渡輪每半個鐘一班，船程半個鐘﹗所以保守估計都要4個幾五個鐘﹗哩個亦係SWANSEA旅館主人催促我地早點出發既原因﹗ 離開WINEGLASS BAY去BRUNY ISLAND要開3個鐘車 但好彩既係，我地係個度過一晚，避過左人潮，係WINEGLASS BAY行完山，去到KETTERING碼頭，等左一陣就上到船，剛好趕及4點鐘個班船﹗因為你入左島點都要出返泥，所以付款時係唔會有人問你SINGLE TRIP OR ROUND TRIP，而係作一次性收費AUD33一架車，入島時收費，離開時就直接上船﹗ 從HOBART出發到BRUNY ISLAND既船期表 我地約3.44PM到達KETTERING既碼頭，剛好趕及4.00PM班船 汽車渡輪收費AUD33，係來回程既收費，只需付款一次﹗ 一出到碼頭，就見到對面線既長車龍，大家都趕住離開出返HOBART，以車龍既長度計算，應該起碼要等一至兩班船先出到HOBART﹗踏上BRUNY ISLAND，除左見到準備離開既長車龍，仲有另一樣好吸睛既野，就係車厘子~~~~ 點擊圖片放大 到底有幾大粒﹖ 自備盒去買車厘子，店主有啲驚訝 等緊離開既旅客，因為要停車等上船，好多人都係同一個方向行出泥，拎住一袋袋既車厘子。係噃。BRUNY ISLAND有車厘子園架喎，難怪碼頭附近會有得賣，1KG收費係AUD12，姐係大概兩磅HKD70左右﹗﹗其實係香港，我地係唔會專登走去買塔斯車厘子食，定價實在太貴啦﹗覺得唔抵，但不時不食，我地1月到訪塔斯時剛好係當造，價錢又咁抵，無理由唔食姐﹗﹗ 踏入小屋，就有個十歲左右既小男孩係樹負責收錢，由佢咀唇邊既紅印，好明顯知佢不停係樹偷食﹗﹗小屋裡既車厘子全部都係一袋袋入好，放係冰櫃，所以當我表示我想用自己容器買既時間，小男孩係猶疑左幾秒，不過好快佢就答，NO PROBLEM﹗﹗不過1KG比我想像中多，要一個食物袋加食物盒先裝得哂﹗﹗ 買完車厘子，見到兩個華人面孔既女生擮順風車﹗同我地同一班船入泥既車差不多都已經走哂，見佢地拎住大包細包，假如依家擮唔到，佢地起碼要等半個鐘後先有機會再擮車，唔忍心，於是又停低問下佢地去邊﹗﹗細問，佢地係想去ADVENTURE BAY既BERRY FARM，姐係。。。我地當晚住宿既AIRBNB附近，咁樣，無理由唔車姐﹗﹗ 不過就有少少技術性問題，我地係塔斯租既係HOLDEN既WAGON，車廂比想像中要細，特別係尾廂，只能容得下一個大喼，另一個中喼同其他物品都要放係後座，假如車佢地的話，其實係相當迫夾的﹗都未泥得切解決，佢地已經話，原來佢地有三個人。。。。 兩個人坐得迫少少都仲有可能，三個人嘛，確實係為難﹗但幾個女生難得有人肯幫忙，都好爽快話，就直接抱著我的行履箱好了﹗於是，30分鐘車程裡面，三個女生真係抱住我個喼係後座，興奮地分享佢地哩幾個月係塔斯打工換宿既經驗。三個女生，一個係廣州人，另外兩個係湖南人，本來都互不相熟，都是以工作假期的旅遊証件到達澳洲，為了省錢，平日大都是用走的﹗只是這次要跟BERRY FARM工作的朋友見面，走的話要花上幾小時，所以只好踫踫順風車的運氣﹗從女生們口中得知，工作假期的待遇不算好，但也不算太差，只是有時候在農莊工作，未必有地方留宿，沖涼當然亦唔使諗﹗所以當晚佢地係打算去係BERRY FARM工作既朋友度借宿同沖涼﹗ 當晚所住既AIRBNB係有兩間房，當聽到佢地咁講既時候，係有一剎那想問佢地，假如有需要可以去我地度﹗之但係，我怕自己既太熱情會嚇親人，最後都只係送佢地去到BERRY FARM，比左個擁抱佢地就道別，無刻意留下聯絡，人生旅途，會遇到太多過客，就扮演好過客既身份就好了，不一定要參與別人的人生﹗﹗
