因為想到附近既BRIDESTOWE LAVENDER FARM影薰衣草，同埋去LOWHEAD睇企鵝，但又怕天氣唔好，於是就預留左兩晚既時間係LAUNCESTON，以防萬一。 離開STANLEY個陣都仲係時晴時雨，但好好彩去到LAUNCESTON就陽光普照，未夠兩點就去到酒店，時間充裕，就梗係把握好天氣去薰衣草原行個轉啦﹗﹗ 係LAUNCESTON開車過去薰衣草原大概要1個鐘，而薰衣草原開放時間至下午5點，姐係仲有個幾兩個鐘頭玩﹗﹗其實有點可惜，薰衣草原5點就關門，假如可以係哩度影黃昏日落，應該都幾靚﹗﹗ 薰衣草，最出名既應該係法國既普羅旺斯，而塔斯既薰衣草，據聞係創辦人當年（唔記得192X，總之就差不多有一百年歷史啦﹗）係英國帶著普羅旺斯既薰衣草種子泥到塔斯種植開發，所以係同出一切。 舊年去大阪睇櫻花，証實左我係對櫻花敏感，之前幾次都唔肯定，但舊年去到就發燒同氣管唔舒服，無理由唔係啦掛﹗﹗真係諗極都諗唔通，一個種田既人，由細到大都係山頭走來走去，居然係對櫻花花粉敏感，又好彩，係面對一望無際既薰衣草田，可以舒坦咁享受左一個下午﹗﹗ 唔係咩惜花之人，但面對一望無際既花海，又怎不教人心動 美少女們來到薰衣草田，都會著迷 唔係咩惜花之人，但一望無際既花海，或者係整齊既並木，都會教人一見傾心﹗好似之前既罌粟花，假如農莊主人開放讓遊人參觀，應該都一樣迷人﹗ 在塔斯所拍到的罌粟花 一片既花海，任誰都會心動 雖然櫻花花粉讓我發燒不適，但面對這迷人景緻，實難抗拒（2017年攝於吉野山） 2013年攝於東京昭和公園的銀杏並木 薰衣草田係要收費既，每位AUD10，假如你係開車既話，會有位嬸嬸係入口處問你收取﹗然後派本簡介既小冊子比你，大概都係話你知薰衣草田既由來，當年創辦人係點樣泥到塔斯開展花田之類之類（睇完唔係好記得了﹗） 薰衣草田係收費既，係入口處會有人向你收取每人AUD10 介紹薰衣草原既小冊子，好似係有中文版本的 唔知有幾多遊客真係會跟導賞團出發哩﹗ 有香港啊﹗﹗ 薰衣草熊仔係其中一個熱賣品 大部份遊客都會食薰衣草味雪糕，但老闆（咁啱遇見，傾左陣），佢話佢最鑂意係朱古力薰衣草味，我當然要試下啦 遊客泥到，梗係為左賞花，想係花海裡面拍照留念，後來行左一輪，先發現原來係有導賞團架。呀，有個題外話，大家心目中既薰衣草原，當然係既浪漫，帶著芳香既薰衣草味，又靚又舒服咁啦﹗﹗OMG~~~~當然，以前所有都係成立既，只不過，要留意既係，其實薰衣草田仲會係有好多，係好多蜜蜂，一路行既時候，不難聽到有怕昆蟲既人尖叫，當然有好多係我識得聽既廣東話或國語，大叫，蜜蜂呀蜜蜂呀﹗真係無言，阿小姐，咁大片花海，有蜜蜂，到底有幾奇哩﹖﹖你驚~~~咪唔好泥囉﹗﹗ 除左蜜蜂，仲有另一樣係無諗過既，就係沙泥﹗薰衣草原都係用好鬆既泥土種植，只要稍有風吹過，泥土就會被吹起，當日我著左條黑色既行山褲，結果係成條褲都好似舖左塵咁，當晚我返到酒店浸落洗手盆，係成盆水都變左啡色架﹗對我我絕對唔介意，只係，美麗背後，多少都要有點代價啦﹗﹗ 睇完花，就返LAUNCESTON市中心既超市買野食，準備晚餐，我的2018元旦日，就是在芳香的薰衣草原渡過﹗﹗
