除夕夜落雨，被迫留係小屋睇電視既倒數節目，同煙花直播，不實在太悶，未睇哂就已經訓著左，一早起來繼續係時晴時雨既天氣，去THE NUT坐CHAIRLFT既計劃直接跳過，食過簡單早餐就準備出發，﹗﹗ 大概無諗過會係澳洲塔斯睇電視轉播倒數 澳洲曾被英國統治，所以文化上也深受影響，好似一尐比較舊式既旅館，會將早餐送去客人既房間，而唔係去餐廳食﹗之前係QUEENSTOWN小鎮時已經試過一次，而係STANLEY既旅館亦一樣，雖然係要另外數費（每位AUD15)，但一早有人送上熱乎乎既早餐去你房間，唔洗梳洗就可以慢慢睇下靚景食野，其實都幾開心架﹗﹗ 一覺醒來，繼續係陰晴不定 旅館的早餐選擇 有專人送早餐去小屋 早餐份量有點多，直接帶走係路上食 旅館既登記處 我地所住既小屋就係另一端 旅館門口能看到THE NUT，旅客可以係度留影自拍 大家都覺得一月一號應該有個新開始，而我地新一年既開始係以風雨揭開序幕，繼續餘下既塔斯之旅﹗﹗ 在雨天出發，揭開2018年的新一頁 離開STANLEY，沿住海岸線往東走，大概開三個鐘頭既車，就可以到達塔斯第二大城市，LAUNCESTON。沿路會再次經過罌粟花田，同埋燈塔。細雨紛紛，但仍無阻興緻，有時冒雨走走，又有時陽光會從雲霧間探頭出來一笑﹗ 由STANLEY向LAUNCESTON出發，大概要三小時車程 再次去到THE CAPE LIGHTHOUSE，稍稍停左陣雨，又落車行左陣 去到罌粟花田，霧雨不清 反正沒有行正，就在花海慢步，天公憐憫，偶爾會放晴一下 接近中午時份，天氣總算開始明朗
