本來在寫塔斯的記憶，但心血來潮又想寫點別的，就又暫停一下吧﹗﹗ 話說，早年在奧地利認識的朋友回港了，相約小聚﹗一個十來歲就在外國生活的人，40年過去，總想找回年少時在港的味道，所以，下午專誠陪她到銅鑼灣的車仔面檔，回味一下兒時味道﹗想當年的她，說那個年代這家面店只是在後巷擺賣，味道不一樣了，也不知是因為下廚的人不同了，還是多年在海外的口味改變了﹗怎也好，就只是想勉懷一下﹗ 沒想到，2點半後，小店問外仍然大排長龍，別說朋友，自己也早在廿多年前已幫襯這店，而人龍從來不缺，無論任何時候，即便是快掛八號風球的日子，在門外等候的人依然無減﹗還好，小店流轉快，等了不到十分鐘就可入座了﹗﹗ 車仔面必食的豬紅蘿白，當然仲有雞翼尖 回味過後，當然又是一輪沒完沒了的話題﹗突然想不起是2013還是14年跟她認識，總之就是當年的東歐之旅，到了薩爾斯堡，跟她一見如故，還好有了網絡電話，偶爾大家給對方問候一下，感覺有如親人一樣﹗﹗ 本來想就此作別，但這好友實在太熱情，說要一起晚飯，順便也跟大叔踫個面﹗在沒有預約的情況下，要在周五晚的銅鑼灣找食店實在不易﹗﹗本想早點到希慎碰碰運氣，但左等右等，最後都係搞到7點幾先開始搵野食﹗﹗希慎雖說多食店，但人流一樣多，而朋友比較喜歡中菜/東南亞菜（朋友比我年長，連我都開始傾向中菜，朋友又點會例外），選擇不多﹗ 都係採用魚翁撒網的心態，間間都試下，結果，當然係間間都要等啦﹗見到一風堂門口無人等（當時係晚上7點半左右），於是又即管問下，呵，點知店員話有位喎，梗係直入啦﹗﹗一風堂曾經都係熱門食店，唔鍾意排隊既我，已經好年無幫襯過﹗係銅鑼灣，周五晚既食飯黃金時段，居然唔使等位，真係既驚又喜﹗ 喜既當然係唔使等，但驚既係，繁忙時段無人，會唔會中伏哩﹗是但啦﹗反正我地三個都只係想聚舊，對食物質素要求唔高﹗﹗有位可以慢慢坐住傾已經好好﹗﹗ 點擊圖片放大 +3 三人各自叫左一碗拉面，另外加左點小食﹗﹗其實食物質素不俗，點解會無人排隊既哩﹖真係熱潮過後就被忘記﹖﹖ 我當然樂見，又唔使等位，仲無用餐時間限制，我地可以輕輕鬆鬆咁坐到十點﹗ 相關閱讀：人生的緣份
