在外地自駕，動軏就得開上三四小時車，好似今日咁，由LAUNCESTON途經BRIDESTOWE LAVENDER FARM、BAY OF FIRES先再到住宿既FREYCINET NATIONAL PARK，總共開左5個鐘車，中途當然有落過車影過相，但不停上山落山，實在用神，假如有兩個、甚至三個司機，輪流替換位置當然是最好的啦﹗ 之不過，假如好似我地咁，兩個人出門，只有一人識開車，副駕就只能幫忙睇下路，播下歌。司機要集中精神，專注路面情況，開車前，副駕不妨幫忙準備點糖果或香口膠之類，最好亦準備一樽容易飲用既飲品，有時趕行程，未必有時間係中途停車搵補給站，所以最好就係出發準備好，以備不時之需﹗ 其實副駕都可以好忙，唔一定要坐係度玩手機，除左遞下水遞下糖，幫手搵下路，仲可以幫忙拍低沿路既美景。以前影車相都幾慘，相機隔住擋風玻璃對焦始絡有難度，依家就可以簡單放部GOPRO係車頭慢慢影，手機攝像功能也高，見到有趣可愛就拍一個也不錯﹗ 塔斯自駕，最初以為十二月到訪，該可輕便行裝，誰不知原來十二月一月哩段時間都可以好凍，於是禦寒衣物最好可以隨手可及。無論你鍾意哂黑定怕哂黑，即使坐係車箱入面都會覺得雙手被哂得刺痛，但轉個頭落車又被吹到頭都甩，實在精神分裂，個頭搽完防哂，但個頭又毛衣外套，好彩係自駕，假如係BACKPACK都真係幾頭痛，唔知應該以咩裝備出門﹗ 花香滿溢既薰衣草田 上一篇：繼續自駕塔斯（二）
