（更新） 係塔斯曼尼亞過左幾日沒有網絡的日子（遲尐講下買電話咭既心得），總算重返人間，今晚住既旅館個WIFI終於都上到網，雖然有點龜﹗﹗ 話說快閃曼谷第三日叫做有四圍食下野，朝早當然繼續係酒店HEA住食早餐，查實如果鍾意食野既，又或好似我朋友咁第一次到訪曼谷，實在可以考慮搵間無早餐既住宿，出去搵野食應該可以食多幾餐﹗到地第三日，發現仲未帶朋友去SIAM，於是食完早餐，去翟度翟攞衫就去SIAM走返轉。係呀，又翟度翟，皆因朋友訂左T-SHIRT，要行多轉去攞，一晚就可以為客人特製，真好﹗﹗ 去完翟度翟，先去左NATIONAL STADIUM食個雪糕先。依，唔係喎，差尐唔記得左，個日去完翟度翟係無哂錢，諗住反正要去林真香買手信，於是就過左AMARIN PLAZA既分店，順手係個度換錢﹗林真香同一般既找換店匯價一樣，今次係4.12，匯價最好既真係只有BIG C附近個間SUPERRICH，以今次為例係4.16，問心，又唔係換好多，唔會差太多，不過有時見行開個頭，就當然去搵間好價少少架啦﹗今次唔想再行，於是直接係林真香換﹗ 今次發現曼谷四圍都係哩間我好鍾意食既面包，唔知咩解香港做唔起﹗ 換完錢，就慢慢沿行人天橋行過去NATIONAL STADIUM，其實都真係幾變態，整咩咁鍾意行路﹗邊行邊影下相，睇下沿途建築物，都幾好吖﹗﹗ 點擊圖片放大 我都幾鍾意去NATIONAL STADIUM既 ART CENTRE睇野，除左可以食創意雪糕，又順便扮下文青咁﹗ 雪糕店有兩個比較出名既，一個係鐵板牛扒，另一個係吉烈豬扒便當 今年新出既山竹造型雪糕，好清甜 榴槤造型既雪糕，好香榴槤味，夠香濃而唔會太甜，連唔食榴槤個個都話好味 食完雪糕，四圍行左陣，又走左去GREYHOUND食單骨雞翼﹗ GREYHOUND點可以唔飲茶冰檸茶 GREYHOUND名物，單骨雞翼 我地好似有叫到洋葱圈定咩，但個雞翼實在太好食，於是再叫多左一份﹗﹗本來仲想去食埋AFTER YOU，但當日係星期日，人龍太長，放棄﹗係SIAM PARAGON既FOOD COURT掃左陣街就走去BIG C 玩﹗﹗ SIAM PARAGON有HARRY PORTER展 SIAM PARAGON個FOOD COURT其實都多野食，不過相對地比較貴 好似係行SIAM DISCOVERY時影的 好似係行SIAM DISCOVERY時影的 係超市買既芒果糯米飯，價錢只係MAE VAREE既1/3 其實真係要編行程，無時間表係真係會出事既，想食多幾餐但又想四圍行，搞到時間撞哂﹗﹗行完BIG C又約左做按摩，於是按完先返酒店慢慢食﹗﹗ 上一篇：快閃曼谷 - 飲食篇（三）
