酒店有自助早餐，訂房個陣當然覺得抵啦，反正房價包左，又無理由唔吃，於是，朝朝都係酒店餐廳磨到十點先肯動身﹗到曼谷第二朝，諗住反正去翟度翟買TEE（查實預訂左，只係去拎），就大安旨意係酒店餐廳慢慢坐，假如係夏天去翟度翟，盡量都係早啲去好，無咁熱，但十二月，天氣還可，遲少少就無所謂啦﹗﹗ 酒店自助早餐，選擇都算多 查實自己來來去去都係食個啲，但又係都要坐返夠本 根本唔係好食野既我，都係拎下生果啦 差唔多成十一點先去到MO CHIT站，已經好多人 難得好天氣 除左買衫，去翟度翟點都要買個椰子雪糕食下既 個杯椰子水真係無得輸 天氣又熱又乾，生果最解渴 預先係網上預訂既TEE 其實去翟度翟，除左買衫，沿途都有好多野食，冰條，串燒，生果，梗係唔少得椰子雪糕啦﹗不過，同SUPER RICH同水門雞飯情況一樣，沿途有好多都賣椰子雪糕，間間都話係COCO JJ，真係要自己認下﹗當然，查實到底邊間係真，邊間唔係都唔重要，最緊要啱自己口味姐，如果鍾意食，邊間都一樣啦﹗﹗ 去完翟度翟，唔想拎住四圍走，於是決定返酒店放低野先，順度游個水﹗其實係真係貪心既，想放假輕鬆下，難得酒店有泳池，又無咩行程，點都想去泳池游返轉﹗﹗問心，十二月真係要等中午過後先好落水，仲要視乎你係咪游開水既人，落水個下都凍架，假如唔係好識游既，應該會頂唔順，係自己習慣一落水就來回游，個人好快就會暖返，係水就覺得舒服﹗ 去曼谷，酒店又有泳池，無理由唔游返轉 游完水，本來諗住去T21食碗粉，夜少少先過去PHROM PHONG食咖喱炒蟹。講得本來，好明顯係無咁做啦﹗三條友四圍行四圍望，都搞到成5點幾，於是決定不如直接去頌通食個早飯。 我都唔知點解我地咁鍾意行，係PHROM PHONG BTS站行過去，查實應該要20分鐘架，沿途有好多豪宅，都叫有啲野睇下好在天氣好，沿途都有風，係咁清爽既天氣行當然無問題，假如係其他月份，我估咁樣做實會比人鬧死﹗﹗ 好彩，行左咁遠路，咁有歷史既菜館無令我地失望，所點既幾味都超惹味，價錢雖然偏高，但個人覺得物有所值啦﹗﹗個楜椒蟹有大有細，我地叫左個中既，好似大概HKD250，一個蝦，一個蟹，兩碟菜，一個沙爹加冬蔭公，仲有三個椰青，埋單3000BAHT，可接受啦﹗﹗ 由BTS站行過泥都有一段路，我估都係搭車吧 楜椒蟹雖不及新加坡既惹味，但都係吮手指指數極高 燒蝦稍嫌唔夠炭香味，的確係T&K既好味，但環境我選頌通 朋友好鍾意飲冬蔭公，所以叫左個，不過我覺得唔夠辣 沙爹好味道 通菜超惹味，所以我地叫左兩碟 回程行完返BTS又諗起食野了，於是又走去THONG LO買芒果糯米飯返酒店，繼續食，繼續傾計﹗ 點擊圖片放大 查實個糯米飯都貴架，但佢又的確好食，所以個個都要走去幫襯佢，除左芒果夠甜，我自己最鍾意就係個啲唔知係炸米定綠頭邊既野，加埋落去食，脆脆咁，成件事層次唔同左﹗﹗查實我地有FOOD COURT同超市再買過泥食，雖然價錢平啲，但始終都係佢最好味﹗ 上一篇：快閃曼谷 - 飲食篇（二）
