人在TASMANIA，到底係寫即時既野呀，定係追返之前曼谷之旅既野先好哩，真係好掙扎，好似學即時傳譯，同連續翻譯一樣，各有各難﹗﹗ 水門雞飯係咪真係咁好食；都的確唔錯架，都係貫必泰國美食既宗旨，平靚正啦，而且佢一碟份量唔多，食完仲可以去食其他野，之但係佢唔算就，以我哩啲懶人，如果唔係過開個頭，我會選擇係T21個FOOD COURT食，個度仲平，唔使10蚊港紙一碟，又有冷氣，質素絕對唔輸蝕，雞肉同樣嫰滑。 水門雞飯（粉紅衫） 水門雞當然好味，但係FOODCOURT食到既都唔差架 之但係，水門雞個醬汁係的確好味啲既，而且有趣既係，即使大熱天時，飲佢跟飯附送個個雞湯，都唔會覺得熱，自己覺得，仲有解渴作用添，都唔使刻意買野飲，只係如果好似我吐啲懶人，唔多想行，又想平靚正，就梗係去T21啦﹗﹗ 話說今次第一日到曼谷，約左8點係SILOM做THAI MASSAGE，所以要食早飯，食完水門雞，慢慢搭返BTS過SALADAENG站既SILOM COMPLEX，諗住食返舊年覺得唔錯既泰菜，點知完全中伏﹗﹗真心中伏﹗﹗ 點講好哩，唔係難食，但完全無水準可言，叫左幾個菜都強差人意，好彩同行朋友唔算挑食，叫做試過下咁﹗﹗ 舊年去過SILOM COMPLEX食，覺得好味，諗住今年番尋味，點知仲伏 咖哩蟹肉，不單無鮮甜味，蟹肉仲係梅既 我好鍾意係泰國食怕羞草，但哩個又老又鞋，味道也久奉 生蝦普通 蝦餅唔夠彈牙，也嫌太鹹 哩個最仲伏，粉絲糊既，蝦肉好明顯係死蝦，梅既 食完去BODY TUNE做THAI MASSAGE，哩間就咁多年都KEEP到，師傅力度同手法都好準 真心覺得失望，蟹肉同蝦肉，莫講話鮮甜，肉質直頭係梅既，其他菜式亦強差人意，算，反正只係諗住近近地食個早飯，方便去做THAI MASSAGE放鬆下﹗哩間THAI幫親左好多年，問心，環境唔算好好，用布簾，無地方沖涼，假如要做香薰按摩好似唔太方便，但假如做THAI，以我自己學瑜伽同穴位既心德，佢既師傅普遍都落位準承，手法唔錯，所以每年都梗會搵一晚幫襯，佢正正係BTS站樓下，仲有間24小時既BOOTS，要搵定下次做按摩前可以去邊度吃飯﹗﹗ 上一篇：快閃曼谷 - 飲食篇（一）
