過往去曼谷，就算未於一日七餐，都起碼會四圍搵下新餐廳試下，但人越大，唔鍾意食野既性格越明顯，唔想行程既每一天都係飽飽滯滯既感覺，加上酒店有自助早餐，係無行程無壓力既情況下，每朝都施施然係酒店食一輪先出發，於是，唔算食左好多野﹗﹗ 第一日到地都已經係正午十二點幾，係機場識左新朋友，稍稍延誤左時間，出到酒店已經係3點既時﹗﹗預訂左晚上8點做按摩，查來已經要食早餐，到底應該食野唔食野好哩，時間實在有點尷尬﹗ 按照過往既習慣，每次係曼谷都實會有錢剩，加上匯率問題，我地係唔會預先香港又或機場換泰幣，而係選擇出到CENTRAL WORLD先再換﹗﹗今次慣例依然，上次洗剩2,000BAHT，落地買左兩張電話咭承惠600，機場出市區三人共135BAHT，為RABBIT CARD增值三人又600BAHT，都依然夠錢去到CENTRAL WORLD先再換﹗其實去到CENTRAL WORLD，係SUPER RICH換完錢，就好就係去食個水門雞飯架啦﹗之但係，佢午飯後會休息，到5點先再開，我地8點要過CHITLOM按摩，假如食完雞飯，仲食唔食晚飯好﹗ 唉，去長旅行，最苦惱既係車程，點對點既交通﹗去台灣、泰國同新加坡等地，編行程最考技巧既應該係用餐時間﹗又想試多幾款，但人大左，消化能力不大如前，根本無可能一下子掉太多野落個肚到，真係為難﹗﹗ 同行朋友第一次去曼谷，盡量想帶佢試多啲野食，唯有。。。照等雞飯開門啦﹗ 講起雞飯，遊曼谷仲有一樣野要注意，就係佢地經常都好多同名，或類似名既舖頭，有時都唔知幫襯邊間先啱﹗好似去SUPER RICH換錢，佢都有一間係綠色招牌，一間係橙色招牌，自己習慣去橙色個間，而且一定係CENTRAL WORLD附近小巷個間，BTS站或大型商場入面都有，但匯價係差少少的，所以如果過開個頭，我地一般都會換多啲﹗﹗ 雞飯亦都係一樣，有一間綠色招牌，有一間係粉紅色招牌，查實兩間都多人幫襯，綠色個間午市仲唔會休息添，之不過自己食開粉紅色個間，又無諗過要轉﹗ 由CENTRAL WORLD行過去，應該會先經過綠色個間雞飯先既 粉紅衫雞飯會有午休時間 其實雞飯個精粹係個醬汁，同埋個雞湯，雖然好熱，但飲左佢個雞湯真係好舒服架。 平時會順道去Plantinum Mall行下買下野，但今次時間問題，食完雞飯就過去Chitlom。 是時候準備出發去澳洲了。 上一篇：快閃曼谷 - 購物篇 相關閱讀：快閃曼谷-出發篇
