周一晚從曼谷回港，又要忙著周日晚出發到塔斯曼尼亞，但天寒地凍，實在唔多想郁。 快閃曼谷4天，除左搭左兩程飛機，睇左兩套戲，基本無咩外遊既感覺，熟悉的住宿，熟悉的商場，熟悉的店舖和面孔，能達到外遊的愉悅，又能完全安心地放鬆心情﹗﹗ 跟在機場認識的新朋友道別後，就直接轉乘機場快線到PHAYA THAI。 係曼谷機場入境大堂，依據指示落兩層就可以搵到機場快線出市區 係機場出市區（約30分鐘左右）都只係45BAHT 搭到尾站PHAYA THAI 係機場站上車，搭到去尾站PHAYA THAI都只係45BAHT，需時只需30分鐘，好過坐的士又要講價，又要塞車﹗離開時，同行朋友曾經表示唔想推篋搭鐵路，問過酒店職員包車去機場，酒店職員一聽到已經面有難色，都未提及價錢，已表示無謂塞車，勸我地直接搭機場線。 酒店位置係BTS站PHAYA THAI同VICTORY MONUMENT中間，住過哩間酒店好幾次，唔知咩解，過往都係機場搭到去PHAYA THAI 站，哩轉BTS搭多個站去VICTORY MONUMENT，然後再穿過商場去等TUK TUK﹗﹗ 係BTS VICTORY MONUMENT站行過去酒店，查實只係5分鐘步程，雖則話免費TUK TUK由朝早7點到晚上11點都有車，之但係TUK TUK係無實際班次，有時都唔知等好唔等好，上左車其實轉個彎就到酒店，有時熱起上泥唔想行，又咁啱見到有車，坐下無妨，但假如去到要等，我會選擇直接行返酒店比較快﹗﹗ 係酒店行過去BTS VICTORY MONUMENT站，大概5分鐘步程 連接住BTS站既商場，酒店有免費TUK TUK接送往返酒店同BTS 每日早上點到晚上11點 而今次，我發現原來係PHAYA THAI站行過酒店同樣係5分鐘步程，咁，我為咩仲要轉多個站哩﹖於是，今次決定直接由機鐵站行過去﹗﹗ 係PHAYA THAI站行5分鐘就到酒店 之不過，老實講，假如天氣涼涼地，慢慢行無所謂，但假如熱，我都明白唔係人人鐘意行﹗雖說VICTORY MONUMENT要轉多程車，又要等TUK TUK，但沿路都比較好行﹗假如係PHAYA THAI站行過去，係路面推篋的確無咁好行。講快，當然係PHAYA THAI站行過去比較直接同快，但假如係嬌小既女生，又推住好重行履箱，咁，都係轉車過VICTORY MONUMENT比較好﹗﹗ 哩間酒店開左應該有10年，但保養得好好，感覺依然簇新舒適，每日都見到有大型會議同婚宴係度舉行，亦見到有航空公司專車送機組人員入住，可見酒店質素保持不變﹗﹗ 大堂依然簇新舒適 聖誕快到了﹗ 房間依然偌大寬敞 佈局完全沒變，但卻依然光潔整齊 4天的行程，早晚都有點涼意，但中午時候仍可到泳池暢泳一下﹗好好來個日光浴﹗ 點擊圖片放大 +3 我們的套票是4日3夜酒店包早餐，連國泰來回機票，連稅共港幣4千，航班時間是早上十時出發，晚上8時回程，算是不賴耶﹗早年覺得酒店早餐很吸引，選擇多，味道也好，服務員招呼更是無可挑剔，但年紀大了，這次覺得自助早餐有點悶，其實選擇仍然多，只是，連自己也想不出想吃點什麼，於是，徘徊在煎蛋腸仔、茄汁頭煙肉、稀飯白粥、泰式湯面、日式卷物，西式的穀物早餐、果汁水果還是想不出頭緒來﹗也有餅廚現烤的鬆餅面包，可，我還是覺得沒新意，沒有胃口。 上一篇：快閃曼谷 - 出發篇
