我好鍾意係曼谷買T-SHIRT，覺得質料又好又平，泰國地方熱，佢地既TEE一般都會比較透氣清爽﹗加上泰國人有無限創意，即使買衫既店舖好多，但一般都係自己創作，好少會撞衫，所以，自命唔買野既我，去到曼谷點都會帶幾件價廉物美既TEE返香港﹗﹗ 舊年行翟度翟，比我發現左一間可愛既TEE店，當時正在準備出發秘魯行印加古道，所以一見到兩件以BACKPACKER打扮既情侶TEE，就二話不說咁買左﹗﹗ 舊年行翟度翟無意中見到既可愛情侶TEE 老實講，從來都好抗拒"情侶TEE"，實在覺得老土到極點，兩個人關係好，從來都唔需要靠衣飾去話比人聽，之但係見到造型可愛既公仔，又迎合我地兩個鐘意旅行既人，真係忍唔住即買﹗﹗ 仲有精美既明信片，怎不教人心動 T-SHIRT可郵購，所以連信封都份外精美 仲有兩日就出發，心思思想再買，於是搵返資料研究一下有無咩新款﹗真係唔睇好地地，一睇唔得掂﹗﹗款式越來越多，依家仲可以DIY，客人只需預先通知店家就可以加名（加名就唔使預我啦﹗） 之不過，比我發現有一件係以相機為主題，似乎，可以帶去TASMANIA旅行喎，問過店家，哩個款亦可以自己配搭，相機顏色、公仔，全部都可以自己決定。我諗住星期六親身去翟度翟買，店長話星期四落到訂單，星期六我就可以拎到啦﹗嘩~~~實在太有效率了吧﹗﹗DIY TEE雖然價錢貴少少，但都係講緊唔使一百蚊一件，都OK吖，一於諗下揀咩色，整好到時著去TASMANIA影相﹗﹗ 以相機為主題，啱哂我啦 相機顏色同公仔都可以自由配合組合，實在太吸引了吧﹗ 店長驚我唔識路，專登再傳舖頭位置比我，真好﹗ 其實店長仲有好多又靚好可愛既TEE，真心覺得值得推介，加上佢可以郵寄，唔使飛去曼谷都可以買到﹗﹗ http://www.linecense.com/
