病左幾日，連眼都睜唔開，星期五朝就要準備出發到曼谷，之但係。。。仲係完全未諗行程既﹗﹗ 酒店係過往住過既，大概識路，今日無聊搵下GOOGLE MAP，居然比我發現左啲野﹗原來酒店附近有一座好有歷史既皇宮（又或者叫博物館）。係曼谷，真係只諗食同買，根本無諗過要觀光﹗﹗去年經泰國朋友帶路才第一次到訪大皇宮同大城府，所以，真係無為意原來市區都可以有觀光點﹗﹗ 話說我鍾意坐機鐵出市區，咁PHAYA THAI會係尾站，無聊睇地圖，先知係站附近有一個叫蘇安帕卡德宮博物館（SUAN PAKKAD PALACE）既地方，應該係唔使收費既，但環境好似唔錯咁﹗﹗其實唔關收唔收費事，而係，唔使刻意四圍去搵，原來就係酒店附近就有一個觀光點，覺得可以行下無妨﹗﹗ 從網路上看到蘇安帕卡德宮博物館的相片 同行朋友雖說無要求，但難得一齊同行，當然會想盡量帶佢去多幾個地方﹗﹗剛好泰國朋友提出邀約，話星期日佢得閒，可以帶我地四圍去玩，問我去唔去The Royal Crematorium，老實講，如果唔係當地朋友話同我去，我自己係無諗住過去既，但佢一send相過泥，又心思思想去睇下﹗ The Royal Crematorium 對上一次去曼谷，係2016年既1月，當年泰王仲健在，見識到國民對哩位君王有幾咁愛戴 2016年1月既孝山路，沿途都掛滿Long Life the King的祝願字句 為左紀念哩位咁受國民愛戴既國王，靈墓會擺放到12月尾，泰國既朋友當然覺得哩個係一個好應該/值得去睇既地方，所以提議帶我地去﹗﹗ 有當地人帶路，有故仔聽下，都好吖，今次HEA遊曼谷，可以安心了吧﹗﹗
