係醫院頻撲左一日，倦到眼都睜唔大。諗起聽朝又要一早出門去醫生度，只想即刻跳上床大覺訓﹗不過係是日中伏之作，實在不得不記。 話說大埔有間好出名既生煎包店，經常都大排長龍，諗住有人排，姐係好食啦﹗於是又試下，點知，真心中伏﹗﹗ 自問從來對食物要求唔高，之但係，確實諗唔通咩解會咁多人食﹗聽聞店主專程四出學藝，真心以為學有所成，所以深得食客認同。 去生煎包店，當然要食生煎包，好有心地，有圖解溫馨提示以防食客被生煎包既湯汁灼傷，夠說心，讚﹗﹗﹗ 諗住既然以生生煎包為招牌，點都有返咁上下掛 選擇都多，只可惜~~~ 自問對食物要求唔高，但今次真係無樣合格 生煎包係有湯汁呀，但個皮好粉，完全無皮脆饀嫩既感覺 好明顯個茄子唔夠軟滑，雖然醬汁惹味，但茄子本身無味，完全夾唔到 雲吞皮好厚，饀無味 的確，咬開生煎包個皮已有肉汁湧出，之但係，生煎包個皮有點厚，咬落去唔好講脆，直頭係粉既﹗唔知係咪本身應該係咁，總之個人泥講唔係心目中預期既質地﹗﹗饀料味道亦太鹹，完全無鮮味﹗ 另外叫左醉雞翼，醉雞翼應該係慢慢浸熟的滑，之但係我食到既係好硬好老既，唔知係咪店員唔識處理。 同樣，雲吞皮好厚，生煎包饀嫌太鹹，雲吞饀嫌太淡，係咪我有問題太挑剔﹖﹖ 肴肉淋左好多麻油，的確好香，但個肉本身質地唔係脆滑個種，而又係硬實硬既磚頭，到底係咪我黑仔，我真係好少入到一間食店，覺得完全點錯野。 我不得不懷疑係咪自己問題，點解咁多人排隊，點解我食既樣樣都唔合格哩﹖﹖仲點左個茄子菜飯，個飯我地食左一啖就唔想食﹗個飯無菜香，米係舊米，好粗鞋，茄子唔知係蒸得唔夠定係唔靚哩，鍾意食茄子既會明，茄子吸引之處係佢個種軟綿綿既滑，但因為唔夠軟，完全吸唔到醬汁既味道﹗﹗ 真係SORRY，唔知係咪我太倦，所以口味有問題﹗﹗
