要數曼谷既美食，真係數極都數唔完，最開心既係豐儉尤人，可以食得好豪，又可以食得好平民﹗我哩啲無咩要求既，覺得係T21既FOOD COURT食到既河粉已經好好味。水門雞飯唔止係好味，仲係抵食﹗﹗ 以前去曼谷會去ZEN搵日本野食，但舊年去時唔知點解覺得又貴又唔好食，今次應該唔會再去﹗﹗ 睇返相先記起，原來舊年係曼谷留左6日，不過有兩日係觀光（去左大城府，大皇宮同鄭和廟），而且，真係懶無四圍搵野食﹗﹗ 題外話，尋日講開有趣卷物壽司店ISAO，睇返佢地官網，先知原來早前裝修，只做外賣，好似話十二月會恢復營業，但到底12月幾多號哩，我就要叫我個泰國朋友幫我打個電話去問問先﹗﹗ 原來ISAO壽司店早排裝修 如果講食，我真係無咩大志既，我去左曼谷咁多次，只係去過一次搵好味魚蛋河，後尾發現ASOK站既T21頂樓既FOODCOURT，佢地既河粉都一樣又係平又好味之後，我就無再出去外邊搵過，同朋友行完街，舒舒服服咁坐係商場入面涼住冷氣食粉面，唔係好正咩，做咩要四圍走先﹗﹗ T21既粉面，計返都只係十幾蚊港紙，我自己就懶得係外邊食 水門雞當然好味，但係FOODCOURT食到既都唔差架 芒果糯米飯就OK啦 講開芒果糯米飯，就梗係要去THONG LOR既MAE VAREE啦﹗﹗佢就係BTS橋底，再懶都搵唔到借口唔去啦﹗﹗對於我，佢唔止係滿分，仲係神級，除左因為佢係24小時，因為佢既芒果糯米飯真係好好味之外，仲因為老闆娘心地好﹗話說，我地2016年1月初到訪，發現佢1月1-3號都休店，等到頸都長先等到佢4號開門，點知個晚去到，老闆娘話芒果未夠熟未夠甜，叫我第二朝再去﹗雖然有點失望，之但係，外賣小食，老闆娘其實大可照賣比你，你擺明係遊客，買左返去唔甜你都吹佢唔漲，但老闆娘就好堅持咁寧願做少單生意，都唔想客人失望﹗對於一個咁好心地既老闆娘，我點可以唔尊敬佢哩﹗﹗ MAE VAREE超正既良心糯米飯 相關閱讀：重溫曼谷 - 住宿篇 上一篇：重溫曼谷 - 飲食篇
