2017仲有一個月就結束啦﹗平安夜出發到澳洲/塔斯曼尼亞既住宿初到敲定，可以開始睇下15號飛曼谷有咩做﹗﹗ 相比起2016年出走7次，今年唔算多，但就有點瘋狂﹗4月時趁復活節假走左去大阪幾日，行到腳都斷咁滯，一返香港唔夠一星期又飛意大利﹗今次情況都類近，15號出發去曼谷，返泥唔夠一星期又要準備飛澳洲﹗﹗好彩既係，曼谷同澳洲都將會係熱，對於溫度唔會有太大既偏差﹗﹗ 曼谷同台北一樣，到訪不下十次，姐係即使唔PLAN唔睇資料，都唔會有咩差池﹗感覺幾有趣，又或者，只係自己夾硬要賦予一個意思比佢，舊年係曼谷迎接2016，而今年，就係曼谷歡送2017。 我地係2015年12月31飛曼谷既，應該又係突如其他既行程，所以搵住宿都搵左好耐，平時我地一般都係住PULLMAN，試過遇啱平套票，都有住過SUKHOTHAI同KEMPINSKI，當然無可能次次都住咁貴，所以2015既除夕倒數之旅，就反其道而行住左間中價既﹗﹗ 去泰國搵酒店最開心係咩﹖就係一般都有個豪華早餐，而2015個次個間酒店，睇返資料，平均HKD500一晚，雖然豪華早餐，又只得個細細地既泳池（其實十二月去曼谷，都無諗過要游水），但佢好在近BTS站﹗仲要係除夕新年期間，哩個價都算合理吖﹗﹗ 早年有試過住係ASOK站既T21酒店，之但係，個陣明明係新落成，感覺都好似好舊咁，反而哩間離ASOK站唔使5分鐘步程既酒店，感覺比較舒適﹗ 2016年所住既PARK PLAZA 入住先知，原來酒店係CARLSON REZIDOR集團名下既，所以都算唔錯。 房間普普通通啦 浴室都合格啦 泰國酒店好鍾意用毛巾摺公仔 免費提供既水，用玻璃樽裝，對我哩個環保人泥講梗係好，但如果要帶出街，就唔該自備水樽了﹗ 都算一應俱存 雪櫃內既飲品當然係要收費架啦﹗ 酒店餐廳，無咩特別野食 係曼谷泥講，酒店個早餐真係半點也不吸引，只係勝在近BTS站同埋平 十二月去曼谷，想游水的話，中午時份依然可以哂個太陽游個水 最初仲諗住十二月既曼谷唔會游到水，但發現其實都可以，反正無咩行程，起身食完早餐出去玩一陣，到午後陽光夠猛先施施然返酒店游個水，其實都幾正﹗﹗ 我地係除夕夜到曼谷，本來仲驚人多塞車，但又一切正常，不過，查實我地係搭鐵路出市區的，沿路有無塞車查實唔係好清楚﹗﹗ 係曼谷倒數查實都唔錯，個晚我地係約左個泰國既朋友一齊係CENTRAL WORLD食晚飯，然後一齊係CENTRAL WORLD個度倒數，個樹年年都會有倒數活動，會放煙花﹗雖然人多，但唔算迫人，起碼，人潮係流動既，如果要行係行到既，唔會迫死係一個位﹗﹗ 同泰國朋友食飯，佢都依然係帶返我地食泰菜，不過其中一樣幾特別既就係蠔刺身，都好肥美，醬汁都同我地平時食開既唔一樣，不過，原來個日掛住傾計，完全唔記得左影餐廳名﹗﹗ 當晚同泰國朋友食既生蠔 除夕夜既CENTRAL WORLD雖然擠滿遊人，但大家都很禮讓 CENTRAL WORLD的除夕夜 CENTRAL WORLD的除夕夜 CENTRAL WORLD的除夕夜 有當地人同行，感覺係比較好的，有人講解，最深刻印象，係經過一間佛廟，大家都為除夕守歲禱福，但原來泰國人有人有趣習俗，怕人太多，佛陀聽不到，於是跪拜時會在頭頂繫上一條線，而線會連到佛殿，以確保許的願能送達﹗﹗有看過阿凡達嗎﹖﹖有趣有趣﹗﹗ 有看過阿凡達嗎﹖大家都怕佛陀聽不到他們的許願，用繩接到佛殿 今年住返PULLMAN 今次一行三人，平時出遊，三個人比較尷尬，單丁出泥個位好難訂酒店，但今次居然比我搵到，國泰連PULLMAN3晚住宿，朋友可以一個人獨享一間房，但價錢一樣﹗﹗機票連3晚店酒店大概4千港幣（連稅），可接受啦﹗﹗ 不過，唔諗住搵咩新野玩，輕輕鬆鬆咁渡個周末﹗﹗ 相關閱讀：任性的2016
