多謝FACEBOOK提醒，原來近幾年既10月一般都在外地，由2011年開始，曼谷、東京、曼谷、布達佩斯、德國、瑞士﹗如是者，一直到2017年﹗ 點解10份習慣外遊，因為10月份，無論去到邊都靚風景睇，北半球既秋色，總叫人讚嘆，加上有公眾假，可以盡情咁享受長假期﹗再者，10月份係怪誕月，酒店一般都好肯替客人制造驚喜，香檳、蛋糕、朱古力、生日咭、小禮物，等等﹗亦好樂意免費UPGRADE房間作祝賀客人生日，我地試過最開心既一次係係曼谷既Kempinski，由普通升級到頂層既套房，真係開心到傻﹗﹗ 2011@Kempinski Bangkok 2017年既10月，無外遊，卻依然充滿不一樣既經驗﹗ 第一次公開做手語翻譯，第一次接觸聾生授課，第一次入金管開會，第一次面對十幾位聾人老友記教瑜伽﹗雖然唔係第一次教，但平時教開既學生，頂盡都係40來歲，學生縱然身體柔軟度未如理想，但起碼唔會有咩大問題﹗相反，面對聾人老友記，挑戰唔止係要邊教邊做手語，而係要顧及佢地既身體狀況，學生中更有接近80歲既長者，同平時既教法完全唔同，每一個動作都要小心翼翼咁去編排同修改，係不一樣既挑戰﹗ 2017既10月，將會有更多既挑戰，唔知哩堆既挑戰，會對哩個活著很無聊的人帶來什麼改變﹗﹖
