話說上星期去睇左套想睇左好耐既戲，套戲已上左一段時間，相信要睇既人已經睇左﹗有尐朋友什至話一早係網上面睇左，而我，都係堅持同尊重原創啦，人地咁有心機拍，假如你係支持的話，當然應該係入戲院睇﹗﹗ 故事係老掉牙既情節，要向夢想出發，要努力堅守自己既信念，無論身邊人點樣懷疑你，點樣踐踏你，都唔好退縮﹗ 但點解一套咁老生常談既電影，可以成為印度良心﹖可以成日印度最賣座既電影﹖﹖好佩服男主角兼監制，我相信好多香港人都同我一樣，係因為早年哩位都幾有型幾靚仔既男演員既另一套電影開始認識哩位印度良心﹗ 哩位印度良心既好幾套電影，一套挑戰教育制度，一套挑戰宗教信仰，今次哩套就係男女平等既問題，全部都係印度一直解不開的結，但同時，又何嘗唔係世界各地都面對緊既問題﹗佢除左哩三套電影，佢仲有一個節目，節目更加爆更加大膽，觸及既議題更具爭議性。 社會存在問題﹖唔係無人知，唔係無人在意，唔係無人想改變，只係。。。大家都唔知點解要改變，點樣可以改變，什至，係唔敢去改變﹗ 很精彩的電影 而哩位好有型又好有智慧既男演員，佢好努力咁用佢既身份同影響力，去帶出身邊人都覺得不公但又敢怒不敢言既話題﹗如果換轉係現時既香港，如果有人咁樣做，或者就即刻有保皇黨走出泥話佢係度唱衰香港﹗要去改變，唔係收埋收埋，唔係怕比人知就可以改變，改變係要討論，要傾談﹗哩位男演員就完美示範點樣去帶出哩尐問題，提大家一齊反思反省﹗ 點解佢可以將哩尐咁老掉牙既議題帶出而又不至惹人反感（查實有無反感既哩﹖當然有啦，當地其實都對佢既作品好有意見，只係我地唔知姐﹗），但起碼，佢將哩尐話題以輕鬆幽默既手法，血淋淋咁帶到世界各地既觀眾面對，實實在在咁，用你既眼淚去提醒你去反思，去關注﹗﹗ 香港哩﹖我唔知，越來越無人敢行出泥講應該講既說話，要不怕掉了飯碗，要不怕被人聲討﹗我估，哩位印度男神，佢既節目雖然引起各界關注，也亦迫使地區政府有所改變，但同時亦惹來不少評擊，你估佢唔想退縮咩，你估佢唔想簡簡單單安安樂樂過日子咩﹖但印度良心，我好相信，佢只係想對得住自己既良心﹗﹗ 息事寧人，唔去討論，唔去接觸，係咪就真係可以相安全事﹖好似哩幾日我朋友所遇到既家暴，係咪真係唔反抗，朋友就可以安全過日﹖﹖唔去觸及男事主的痛處，問題係咪就可以解決﹖﹖ 有好多家長會覺得，唔好比子女接觸到危險，就等如安全，之不過，危險一直都在，我地唔係更應該及早指出危險之處，及早教會孩子們這為什麼危險，而又怎樣才能避免危險，才是最好的方法嗎﹖﹖ 不准討論，不許談及，不要望，不要聽，真的就安全了嗎﹖﹖提及的人反而是妖言惑眾，才是引起危險的人嗎﹖我不懂﹗
