早前同郵差朋友傾開計，問及假如有無法送遞既郵件佢地會點處理﹗ 哩尐問題，問高層同問前線會有不同答案，高層答案官腔，問泥都無用﹗前線答案最實際，咁，姐係點哩﹖﹖ 每張明信片都帶著記憶 前線員工話，假如係分信時發現地區有錯，咁，當然就梗係轉發去返負責既郵局啦﹗但假如地區啱，只係地址不詳而無法派遞，原來係有專人負責救亡既，專人會嘗試重新解讀地址，睇下有無方法分辨到正確地址，假如唔得，對唔住，郵件係會被燒毀的﹗﹗ 因為咁樣，我個郵差朋友就會先留係自己既區份，一般指引好似係七天內要將信件派遞，要不就要交回上級處理。朋友話，假如一般郵件佢都會按指引處理，不過明信片的話，就會盡量去搵，因為覺得每張明信片都係一份心意，唔希望會被棄掉﹗ 詳情我怕誤導，而且都係因應每個郵差既做法唔同，所以都係唔好講得咁詳細，不過，佢話，原來可以打電話去郵局問架喎﹗假如你等緊信，你可以直接打去所屬既郵局問，通知佢地你等緊咩，咁佢地係可以幫你留意，去睇下你等緊既信會唔會因為地址不詳而放左埋一邊﹗ 相關閱讀： 明信片事件簿 明信片事件簿-意大利篇 等待，也算是種藝術
