每個人都有不同，每個人都希望得到別人的認同，可笑的是，當發現別人的不同，卻不太喜歡接受別人的不同，反之然是要求別人跟自己相同，這到底是怎麼樣的道理﹖﹖ 明明說要求同存異，內裡卻是要求親疏有別，無論你抱著什麼理念，說得多麼的動聽，說穿了，還是希望把別人變成跟自己一樣﹗﹗ 感情如是，政治如是，學術如是，宗教如是，連環保也如是﹗ 感情，明明說是從愛開始，但有多少人真的愛對方，還是愛自己比較多一點﹖要求，怎麼老是聽到情侶們投訴對方的不是，對方不依從自己方向，投訴對方的不一樣﹗相愛，相處，不是接納嗎﹖不是認同嗎﹖你強把對方變成依照你的生活方式，那麼，你愛的到底是自己還是跟前的那一哩﹖﹖當然，將"為你好"放大，說是"為你好"而要求對方放棄原有的價值觀、習慣、生活模式或飲食習慣之類，說穿了，到底是"為你好"還是"為你自己好"的哩﹖ 愛情是感染，是互相影響，從而慢慢同步，並不是強張自己的一套加之於對方身上﹗﹗ 環保，越來越多人關注到環保的概念﹗環保當然是好，一個人的棉力舉步為艱，當然是越多人加行環保行列越好，只是，環保是種價值觀，是種生活習慣，假如不是從心而發，別人不會明白，不會理解，當然也不能持久﹗ 有時候，環保份子會站在道德高地，投訴那些不一樣的人，投訴對方浪費，投訴別人唔夠環保﹗點解人地唔係同你做緊同一樣野就係衰人﹗有人唔用飲管，就投訴餐廳侍應唔記得幫你走飲管，但係自己又繼續不停咁上網買衫買野﹗每個人既生活習慣唔同，你係哩方面環保，但可能係另一方面唔夠人環保哩﹗大家都係度互相學習，互相影響，點解人地同你唔同，一泥就話人﹖﹗ 去餐廳要求人地配合你，都要睇下人地有忙唔忙，你自備餐盒，自備器皿，但你係咪都要尊重返人地既工作流程哩﹖你係咪要該先了解下人地既工序同生產過程，之類之類﹖其實有時我覺得，你去快餐店，連鎖式食店，人地公司有哂指引，你去作出特別要求，會唔會為人地既員工增加麻煩咁哩﹖﹖假如你唔去了解人地就直接去投訴去埋怨，結果係咩﹖就係將環保同麻煩劃上等號，令被你投訴埋怨既人怕左環保，結果~~~唔係會有反效果咩﹗ 好多走塑人都投訴哩間餐廳唔環保﹗的確，哩間餐廳既凍飲，一定係用膠杯，查實我都唔係好明架，點解明明有堂飲杯，凍飲又只提供膠杯哩﹗但既然知佢地堂飲杯，咪就係落單時直接同職員講清楚，指明唔要膠杯囉﹗佢地電腦直頭有"有飲管"既選擇，幾好吖﹗今日同聾人朋友有聚會，一班人先去食飯，大家都對我既要求有點好奇，但解釋後大家都能理解﹗未必會令身邊朋友立刻改變，但起碼算係一種反思、一種提醒，可能係不欠既將來，佢地都有所改變哩﹗ 再者，雖然哩尐朋友無咁關注即棄餐具既問題，但佢地都係手作手，又愛自己煮食，反而佢地有好多如何減少廚餘既好方法，環保，其實大家都做緊，只係唔同層面，唔同方向，無敵對的﹗ 哈，講返先，今日凍飲轉堂食杯，結果唔單止成功，職員仲表示堂食杯同膠杯既容量唔同，所以比左兩杯荔枝茶我，哈哈，感覺良好吖﹗﹗ 跟住夜晚又一齊去左另一間連鎖店度傾計，買汽水期間，事先同左職員講，有自備水樽，唔趕時間，你得閒先幫我酙落樽啦﹗結果~~~咪係好友善咁幫忙放落樽囉﹗﹗ 大家互相尊重，互相體諒，求同存異，唔係雙嬴咩﹖ 我地依家最需要既，就係多尐人可以係政治層面求同存異﹗不過，好似無人希望不同﹗全部都一模一樣，仲點會有改善或進步既空間哩﹖﹗
