話咁快又過一個星期，每個星期一係工作既開始，但對上班族泥講，周末先係每周既開始，可以好好休息，好好充電，又好好去狂歡﹗﹗ 尋晚同一班手語朋友去左旺角既樓上CAFE傾計﹗第一次係公開場合咁樣傾計，諗返起都幾搞笑，一班人坐係餐廳裡面不停手舞足蹈，其他人都投以奇怪既目光，好奇哩班人搞咩哩﹖明明一路講野，但又一路做手語﹗﹗ 逆地而處，聾人朋友身處公眾地方既感覺又會係點既哩？手語係聽障朋友既母語，佢地比手去傾計，去表達係好理所當然既事，但身邊既人卻會投以好奇既目光，佢地又無影響到人，更加唔會對別人成騷擾，點解要得到不必要既目光注視既哩?！
