可能一個沈鬱既人份外需要陽光，朋友成日都笑我變態，無論幾猛太陽都鍾意企係陽光下面﹗當大家都汗流夾背既時候，我卻偏偏覺得享受﹗ 好似每朝去游水，救生員阿姨總會不厭其煩咁重複問道，你唔怕哂咩﹗係呀，我好鍾意哂太陽架真係﹗當大家都對美白產品趨之若鶩既時候，我就偏偏反其道而行﹗哈，無法啦，當一個人本身唔夠開朗，總希望能用黝黑既皮膚給人帶來開朗感﹗ 當然，過份暴哂的確係對皮膚同身體都唔好既，但適量既太陽，係可以幫人體製造VIT C，同埋退黑激素，幫助睡眠架嘛，太陽，其實係好野泥架﹗無陽光既日子，個人係會份外低落架﹗怕唔怕哂得太多傷皮膚，怕架，之但係，個人覺得，係泳池游水搽太陽油係一件非常十分極之無品既行為﹗泳池唔係OPEN WATER，你搽左防哂一落水，就成層油咁浮哂係水面，同場既人真係多得你唔少﹗﹗ 好多人都以為SPF(Sun Protection Factor)越高越好，但查實SPF15已經可以阻擋93%UVB，SPF30就可擋隔97%，SPF100最多都只可擋到99%，姐係話，其實用SPF15以上既防哂產品都已經好足夠。 自己雖然唔係咩環保達人，但假如你明白，產品既SPF值愈高，係意味著產品加入化學成份機會愈大，你係咪真係願意只為增加個幾個%既阻隔度而增加引起皮膚過敏既既風險咁哩﹖﹖ 防哂產品查實係可分物理性和化學性兩種既，所謂化學性防晒經皮膚吸收，然後會吸收紫外線，阻止其進入皮膚底層。好處係質地比較薄同清爽，容易塗抹，之但係就有機會刺激皮膚，引起過敏，好似我哩尐皮膚極度敏感既人，都唔好講話搽左落泳池無公德心，對自己皮膚都唔好﹗ 最近無意中搵到一隻潛水網站推介既物理性防哂產品喎，都幾得意，於是又買泥試下﹗何謂之物理性防哂﹖姐係係皮膚表面形成一層屏障，反射（注意係反射啊，唔同化學性產品係吸收）紫外線UVA及UVB而達到防曬功能。雖然質地比較厚，之但係唔會係水面形成一層油，又無咁易引起皮膚敏感，即管又試下﹗ 連續幾日都落雨，今朝終於可以試用到﹗感覺真係幾好喎，哈，起碼自己覺得有公德心一尐﹗﹗對其他人對自己都好﹗產品查實係針對OPEN WATER而設計既，話唔會對珊瑚同海洋生物造成傷害，理念相同，感覺良好﹗﹗ 可以搽面同搽身，啱哂我哩尐懶人，唔使分開幾支野 如果出海玩，成套防哂連洗頭水護髮素帶哩出去就放心了
