尋日先講緊，覺得一般去旅行既通行券唔抵，好少會買﹗點知睇返相，先記起係FIRENZE期間其實我地係有買到聖母瑪利亞教堂既聯票（有人叫百花聖母教堂 Basillica di Santa Maria Novella，可以話係佛羅倫斯既地標），好似有點自打咀巴咁﹗另外，有幾間佛羅倫斯既食店都好似值得一提，不如又整理下資料﹗不過要等多一兩日先出到，個人又病又倦咁，只係搵哂相關既相，未有心機整理﹗ 話說尋日出左去一整天，個人由乾變濕，係未泥得切變返乾，總之一離開室內地方就又由頭濕到落腳，最妙既係，咁既雨勢，四圍都水浸，都居然只係黃雨，真係得意﹗﹗忍唔住又靜雞雞投訴多次，天文台明明年初話今年既夏天係會雨量偏少架，到底，少既定義係咩哩下，真係要請教一下﹗ 唉，再一次，對於一個唔食野既人，同樣對零食既興趣不大，好少會好似其他朋友咁，得閒會開包薯片個尐食﹗小時候我唯一會食既係齋雞粒（哈，唔知大家識唔識分齋雞粒同齋燒鵝哩﹗），不過個人病病地，口淡淡，於是無無聊聊就開始係屋企搵零食﹗ 脆既係齋雞粒，軟身既係燒燒鵝 提起零食，就又有故講下，話說，上個月有個對食好有要求既朋友，突然推介一包係新加坡買既零食。 新加坡郵購既炸魚皮 郅底係咩咁巴幣哩﹖﹗包裝袋睇落有尐雞皮紙（唔係平時薯皮既錫紙），袋面會見到一隻鴨。係，係鴨，第一感覺都係度諗，有咩零食係同鴨有關，之但係望清楚個袋，就會見到"salted egg yolf fish skin crisps"既字樣，咁搞笑﹖﹖鹹蛋黃炸魚皮﹖（係咪可以叫黃金炸魚皮咁哩﹗）。哩位朋友平日對食都好有要求，於是大家都對佢既推介好有信心，既然佢話得好食，當然大家都好有興趣試下﹗之但係，哩包野香港暫時係無得賣既，於是，只好一班朋友就夾份，以郵購方式係新加坡訂左一盒（共24包）返泥試下﹗ 查實都幾貴架，要成HKD50蚊一包，咁到底實物係點既哩﹗﹖的確係炸魚皮，都鬆脆，最妙既係有食緊黃金蝦個種鹹蛋黃既鹹香，帶點辣，份外惹味﹗我地買左三包，結果，個位濕疹人仕一收到就即刻食哂一包﹗﹗ 今日病病地係屋企，無無聊聊開左最後一包食﹗聽聞香港下個月有得賣喎，哈，係就大件事啦﹗﹗到時可能真係要一個人買一箱放係屋企﹗ 魚皮實物 掛住食，原來張相走左焦，查實外觀同平時係香港見開既差不多，只係放口多左種鹹香既味﹗
