埃及，係其中一個自己好想去既地方，對古埃及既傳說、故事，古埃及人既智慧，充充都好好奇﹗不過要自助遊去埃及好似有尐難度，所以一直都未有起行的計劃﹗ 無諗過今次去意大利，居然會睇到埃及既野﹗﹗最初都無為意，係後尾搵景點資料，無意中發現，羅馬幾個主要景點，都有一條差唔多樣既石柱，梵蒂岡啦，萬神殿啦，人民廣場，都有一條好高既四方石柱，唔知上面刻住既字係咪一樣，但外型睇泥就好似，好奇到底哩幾條石柱到底係咪有特別含意，係咪有咩敬拜既意思既哩﹖﹗於是好奇翻查資料，先發現原來哩尐唔係本土建築，而係屬於古埃及既文物﹗ 原來哩尐四方既石碑叫方尖碑，都可以係一種計時工具，不過我好相信，係古羅馬人將哩尐石柱重新安置係意大利既時候，應該唔會再計算日照方向，應該只係隨意安於，應該，再起唔到日晷既作用吧（純粹個人推測）﹗ 哩尐四方既石碑，頂端都會程金字塔形狀，而且用金屬包住，咁，有陽光照射既時候就會發出閃閃金光，哈，突然諗起西藏人對陽光打落雪山頂而發出耀眼光線的執迷（日照金頂）。石碑應該係花崗岩雕琢而成，我成日都好佩服，亦好好奇，到底以前既人係點做到既哩﹗﹖ 以前唔會有機械輔助，方尖碑平均都有二十米高，無接口，石碑唔係一條四四方方既石柱，而係由下而上逐漸縮小，到底，以前既人係點樣打磨，點樣刻製。石碑四面有象型文字，應該都係帶有敬拜既用字吧﹗刻完，又點樣計算，點樣豎立以作日晷之用哩﹖最妙既既係，古羅馬人，又點樣將哩尐幾百噸既石碑運返意大利既哩﹖﹗ 依家世界各地既埃及方尖碑，據聞僅存29座，埃及9座，反而意大利有11座，係保留最多埃及方尖碑既地方﹗單單係羅馬，我自己就睇到5個 - 分別係梵蒂岡聖伯多祿廣場、萬神殿前、人民廣場中央、西班牙廣場同四河噴泉所見既﹗﹗ 梵蒂岡聖伯多祿廣場的方尖碑 西班牙廣場前的方尖碑 人民廣場的方尖碑 四河噴泉的方尖碑 萬神殿前的方尖碑 如果有機會去羅馬，不妨留意下哩尐埃及文物吖，繼續去訪尋其他既方尖碑位置﹗﹗到時，記住話比身邊既朋友知，哩尐唔係羅馬，亦唔係意大利既建築，而係來自埃及的耶﹗﹗ 相關閱讀： 薄餅國住宿 - 羅馬篇 梵蒂岡的一天（上） / （下）
