成個意大利行程既住宿,基本都同預計中無偏差﹗最意想不到既係係FIRENZE,房租都係一千蚊港紙晚,但無諗過得到一間成三百呎仲有露台既房﹗不過哩,去到威尼斯就有少少中伏既感覺﹗ 最初上網搵住宿時,見到有間酒店,係威尼斯中央車站一出行唔使一份鐘就到,又見佢個大堂同花園好靚好古典咁,雖然千六蚊港紙一晚,但近嘛,旅程尾聲,唔緊要啦(心諗)﹗﹗ 係網上見到佢個大堂咁靚,應該唔差掛 係網上見到個咁靚既花園,諗住房間應該會唔錯掛 講解返先,所謂既水都威尼斯,確實係比水包圍住既,本島被數以十計既橋連接,你一出火車站就會見到一個有趣既現像,就係好多PORTER會出現爭相幫你拎行履(當然係收費的囉﹗) 一出火車站就有一堆著住反光衣既PORTER向拖住行履箱既旅客招手 點解有咁多PORTER,就係因為島上被大大少少既橋連接,橋喎,姐係有梯級啦,如果你無留意酒店位置,分分鐘可能要拎住行履箱過幾條橋,都咪話唔倦﹗﹗問心,威尼斯既街道已比想像中來得好,我最初以為係好細格既石板路,但沿途所見都係尐好平坦既路,拖行履篋唔算難,之但係要拎住不停上上落落樓梯,都真係要認真考慮﹗ 於是,我地揀左一間一出火車站轉入橫街就到既旅館,位置相當便捷﹗ 出火車站左轉係第一個街口轉入去就會見到酒店入口,仲有好多抵食餐廳 酒店入口其實唔明顯 去到酒店門口都有少少呆左,唔。。。好似係小旅館咋喎,點解既哩﹗入到去燈光昏黃,ERRR...我知威尼斯消費高,但千六蚊晚喎,未至於有咁大差距吧﹗﹗ 酒店大堂 要行樓梯上房 房間比想像中細 入到房真心失望既,房間比LA SPEZIA既酒店房仲要細,真係只能稱之為小旅館,真心覺得比大堂同花園既相呃左﹗ 又話說回頭,雖然房間細,但佢地餐廳又好闊綽架喎