行程既第8日,準備離開FIRENZE去五漁村,只留一晚,然後又折返FIRENZE租車出發到意大利中部,所以唔打算帶咁多行履,於是留低個篋係FIRENZE既酒店,只帶一天行裝出發﹗ 五漁村係世界文化遺產,係五個建係懸崖邊既城鎮,順序分別係Monterosso al Mare、Vernazza、Corniglia、Manarola同Riomaggiore。五個村都各有特色,全部都有行山徑,如果你有時間同體力,仲可以唔搭火車行去下一個站﹗但我地只留一天,所以只揀左其中兩個村,MANAROLA同RIOMAGGIORE睇﹗ 由FIRENZE去LA SPEZIA,一般都需要係PISA轉車,既然係咁,咁就不如去睇埋比薩斜塔啦﹗(後尾發現原來威尼斯都有兩座斜塔﹗)不過要注意啊,PISA有兩個火車站,一個係PISA S ROSSORE,而另一個係PISA CENTRALE,價錢一樣,車程若1小時15分鐘。唔想轉車的話,就只搭到去PISA CENTRALE,但由中央車站行去比薩斜塔有段距離,要行起碼15-20分鐘﹗如果唔想行咁遠,就搭到去PISA S ROSSORE,睇你個人喜好﹗ 由FIRENZE去睇比薩斜塔,最近既車站其實係PISA S ROSSORE 大家都係景點前做出古怪動作 比薩斜塔,一個咁出名既景點,人多就梗架啦﹗於是,我地再次係度遇上扒手﹗﹗係廣場上面,突然有一個黑人踩單車,係人群中跌跌踫踫咁路過,睇住佢有意無意之間係遊客身上有動作,好彩叫得住﹗然後,我地影完相行返去中央車站繼續向LA SPEZIA出發既車廂裡面,又再遇到扒手﹗當時有一家人,我估係印度藉的吧﹗有個女人緊貼係個位印度藉既男士後邊,企圖偷其後褲袋既銀包,亦係好好彩,男士發現得快,及時保住銀包﹗個女人就在慌忙中逃去﹗一般遊客都唔會想花時間報案,只要無財物損失,都會不了了之﹗或者,哩個亦都縱容左扒手﹗ 係PISA CENTRALE去LA SPEZIA車程亦大概一個小時,嘻,如之前所講,我地一般都會揀近車站既住宿,而LA SPEZIA既住宿,離中央車站只係2分鐘步程(GOOGLE MAP話),查實只係一出車站過條馬路就到﹗超近﹗ 去五漁村既所有火車都係LA SPEZIA中央車站開,所以住近車站係有好處既﹗ LA SPEZIA中央車站,擠滿去五漁村既遊客 LA SPEZIA所住既酒店就係火車站對面 酒店唔算大,但都係傳統歐洲旅館風味 房間一眼睇哂 之前提過,是次旅程,除左羅馬站同威尼斯站既酒店比較貴之外,其餘既都係HKD1,000一晚﹗哩間既房間雖然唔算大,但勝在近火車站嘛﹗ 我地到地當日其實都已經係下午二時多,稍作安頓就又回到車站出發去五漁村既MANAROLA,其實如果按距離,最近LA SPEZIA既應該係RIOMAGGIORE,我地諗住係RIOMAGGIORE影日落,所以就先到MANAROLA先,然後先再搭回頭車﹗ 一程火車其實約十分鐘左右,但就4蚊歐羅 單程4蚊歐囉,其實係有PASS,不過我地只去兩個村,別煩了﹗ 第一站 CLASSIC VIEW OF MANAROLA 其實站同站中間係可以徒步行到去既,但我地逗留時間有限︳這次就不行山了﹗ CLASSIC VIEW OF RIOMAGGIORE 其實玩五漁村係有火車通行票的,之但係我地只去其中兩個,所以無刻意研究﹗不過要注意既係,每個村既火車站都好細,遊客多(到訪時間4月都未係旺季),如果只買單程,每次離開一個村既時候就要花點時間排隊買車票,考耐性啊﹗﹗所以如果你係諗住會去齊幾個村,不如認真研究下通用券﹗ 問心,有時買PASS唔一定係因為平,而只係為左方便﹗有時唔買PASS亦因為方便,唔想諸多限制,每個地方都有唔同玩法,買唔買PASS真係好睇情況﹗不過行程唔係度講住﹗ LA SPEZIA既酒店既餐廳都係係頂樓,可以趁機從高而下望下四圍既風景﹗呀,哩間餐廳有隻黑晚既拉布拉多犬架,好乖好嗲人架,好似叫WENDY﹗ 酒店既自助早餐 酒店餐廳 酒店餐廳係頂樓,可以出戶外望下 酒店仲有免費SHUTTLE服務去別一個景點 酒店整體唔錯架,最抵係個CITY TAX囉,3歐,姐係每人每晚1.5。