今次意大利之旅共15天，住過6間酒店（羅馬3晚、拿玻里1晚、佛羅倫斯3晚、LA SPEZIA1晚、VAL d'ORCIA3晚，最後威尼斯3晚）。 今次成個旅程既住宿，最FIRENZE既住宿真心抵，HKD1,000一晚，其實除左羅馬站同威尼斯站要HKD1,600一晚之外，其他既都係HKD1,000一晚。對於羅馬個CITY TAX我都依然係深深不忿，其他酒店，平均都係每人每晚兩、三蚊歐羅，但羅馬就要每人每晚6蚊，好貴﹗ 另外我仲發現左樣有趣又奇怪既事﹗我之前都有提過，我份人比較緊張，如果留宿期間，要管房執房，我一般都會鎖篋﹗原因係我覺得如果你尐野攤哂出泥，會阻住人地打掃﹗當然亦有多少係想減少瓜田李下既情況，萬一有咩唔見大家都唔想。如果唔想鎖篋，直接掛上/亮起請勿打擾指示。一般管房遇到哩個情況，佢地都會留低便條係門口，告知因客人不想被打擾而未有打掃房間，如需清理的話請另行通知之類﹗ 今次多個留宿點都有住超過1晚，但我發現，個個請勿打擾既牌係無人理既﹗話說第一站羅馬，太倦唔想執喼，又洗左內衣褲掛左係毛巾架，於是如常將請勿打擾既告示掛在門外，誰不知第二朝外出回來已經發現管房曾進行打掃，其實返到去見到整整齊齊既房間當然開心，除左部NOTEBOOK我又無咩重要野要收，其實無咩所謂，只係奇怪，點解佢地無按指示﹗跟住個日仲妙，佢地不但無理我個牌照入房打掃，仲直接將個個請勿打擾既牌掛返入房﹗ 一_一，唔知佢地係咪以為我大鄉里唔明個個牌寫咩，所以無理我哩﹗﹗ 有左羅馬站既經驗，於是我去到FIRENZE時就直接同前台講，叫佢幫我MAKE NOTE，我地留宿期間不用打掃房間﹗哈，第二日外出後返房，真係無執過房，姐係指令有效﹗之不過，指令只係有效左一日，跟住個日返到佢間房又變得整整齊齊﹗ 如是者，餘下留宿3晚個兩個地方都遇到同一樣既情況﹗都好既，其實係我自己古怪姐，每日外出回來都有整整齊齊既房間，都幾好吖﹗ 意大利既浴室同其他歐洲國家一樣，普遍都會有發熱既毛巾架，變態既我最鍾意見到佢，之前都有提過，長途旅行，我好鍾意沿途洗內衣褲，一來唔使一袋污糟衫放係個篋度十幾人局住發臭，二來查實都有尐係懶既原因，通常你今晚洗完，第二日就乾可以替換，嘻嘻，超方便﹗不過，未必間間酒店既毛巾架都長期開動架，我估係慳電原故﹗有尐地方會係毛巾架下方設有開關，有尐就係定時開動，有尐哩，就要自己開聲同旅館講你需要用，叫佢地幫手開﹗睇個人需要啦，我自己就真係好鍾意佢，所以如果發現佢唔熱，但搵均都唔見個開關，就要問前台﹗﹗ 我去歐洲旅行最鍾恴見到既發熱毛巾架 我去歐洲旅行最鍾意見到既發熱毛巾架 我去歐洲旅行最鍾意見到既發現毛巾架 意大利浴室另外仲有樣野係比較少見既，之前亦有提及過 (歐遊的二三事)，就係馬桶隔離無蓋個個東東﹗翻查資料，哩隻野原來係叫BIDET，明明話歐洲好多國家都有，但老老實實，我真係只係意大利見過，之前係德國，瑞士等地方都無見過佢喎﹗朋友話佢地去法國時都有見到﹗ 點解又拎返佢出泥提，主要係今次沿途咁多間都見到，而且我見間間酒店都會係BIDET旁放小包寫明係INTIMATE CARE既清潔液，好奇心驅使下又研究一下﹗之前電視節目介紹，話係洗屁股用既（姐係日式廁所板同一功能），但後來再認真睇下資料，哩隻BIDET係方便大家係冬天唔想沖涼，但又想保持個人衛生而設既，係比人洗私處（男的女的都係），所以先會放哩個INTIMATE CARE係度﹗原來仲有樣得意野，佢既用法，唔係好似座廁咁坐架，原來係掉返轉，你個面向水龍頭位置，洗私處嘛，當然係面前水龍頭以作沖洗啦﹗﹗不過我好想知，到底依家仲有無人用既哩﹖﹖如果唔用，酒店又無理由另外放特殊既清潔液係度姐﹗好好奇哩﹗﹗ 所有BIDET都會有INTIMATE CARE既清潔液 所有BIDET都會有INTIMATE CARE既清潔液 今次仲有樣野，我本身一早知架啦﹗好似係3/4年前第一次到歐洲時已經八掛過﹗話說，唔知你有無留意每個淋浴間都會有一條繩連住一排按鈕，而條繩又一般都會吊住個紅色波波既哩﹗﹗因為預先已經知道，所以無刻意影相，但去到中途站大叔突然有一晚問我個條繩係咩泥，依，原來你唔知既咩﹗ 係浴室應該會見到哩個 係浴室應該會見到哩個 應該一定會有，至於係哩泥哩﹗真係可惜，因為之為個個都知，所以無刻意影相，但如果得我自己口賣口賠又好似無咩說服力﹗ 咁些酒店會注明佢到底係哩泥 我知睇得唔係好清楚，但起碼叫做係有圖為証 其實沖涼房個條有紅色珠珠既繩係警報器泥，而點解我會知哩，事沿係第一次到房歐洲，第一站係布拉格，係浴室見到哩條繩，我曾經以為佢係抽氣扇之類野，企圖過拉架，但抬頭一望見到紅色字，企高望清楚，見到寫明係ALARM，好彩望一望咋，要不真係拉左就真係瘀到爆，不過查實都幾實架（我有企圖拉過）。自始我就唔敢搞佢啦﹗因為自己矮，我以為一般高度既人都會見到個個警示，假設大叔都知，直到今次沿途都只見到條繩而無警告牌，大叔問先發現原來唔係人人都知﹗哈，佢話佢都以為係抽氣扇之類既野，佢都差尐想拉繩﹗﹗
