唉,真心中伏。 出發意大利前做左功課,預計到埗羅馬機場會買張Tim既電話咭,以便係意大利境內遊走。沿途要搵火車搵路,搵預先標示好影靚景既地方,最緊要係部份旅程要自駕,如果無data或網絡收得唔好就大件事。 又。。。咁啱出發前陪個準備要去西班牙既朋友搵電話咭,相熟電話舖既老闆推介左一張Three UK既data card,歐洲好多地方都用到,包括意大利。朋友係西班牙回港話接收良好,見平平地,不如買多張以作不時之需啦!我知我知,我知西班牙同意大利唔關事架下,純粹係諗住,連西班牙都收得好,意大利哩尐咁熱門既旅遊區無理由有問題啦掛!點知就係中伏。 英國3既電話咭,HKD138 真係一心諗住多張做後備,特別係自駕一段,兩個都有網路的話,搵起路感覺好似安心尐。唔同電訊公司,萬一是但一個收唔到,希望另一個接收點收到嘛。 又講下TIM,TIM係意大利比較多人用既電訊網絡,覆蓋面大,沿途都不難見到有TIM既門市,一出羅馬機場往搭鐵路途中就會見到。遊客plan最平都要Euro 35,姐係300港紙,佢唔係無限數據,好似係30-40G,點都夠用,仲有call loading。買咭時太過作戰狀態,完全唔記得影相。不過要留意既係,開咭要等一個鐘(我地買個日要等左兩個鐘)先用到,姐係你唔好諗住到地靠佢搵路,但暫時沿途都接收良好。 至於點解中伏?3 UK個張,係羅馬時都仲勉強用到,不過一路接收都唔穩定,同埋速度好慢。跟住既拿玻里、龐貝、佛羅倫斯,再到La Spezia同五漁村就已經係有同無之間。依家身處意大利中部一個叫San Quirico(Siena 區),開車途中完全零訊號。好彩有張TIM同埋車上有導航,要不就真係喊都似。 下次都係唔好貪平,再唔係上次瑞士個張smartphone card都好吖(詳見瑞士之旅 - 裝備篇