明明獵櫻獵左五日，點解放飯只得四篇，原因係第四日無咩食過野﹗ 獵櫻第四天（04/16/2017） 話說本來打算星期一臨走當天先去吉野山搵一目千本，但天氣報告話星期一，關西廣範地區都會落雨，取捨之下，只好再次放棄京都醍醐寺同仁和寺，睇下星期一係咪真係落雨先算﹗趁好天，幾迫人要去左吉野山先﹗（獵櫻辛酸史（下）) 朝早出門掛住趕車，跟住去到又掛住上山，行到半路先買左兩盒杮葉壽司食，但又熱又倦，兩個人只食左一盒﹗晚餐返到去倦都唔想郁，求其係旅館附近個間松屋食左個咖喱飯就算﹗哈哈，唔好意思，講到好委屈咁添，其實我地真係好鍾意食松屋架﹗唔係話求其架，真心鍾意食﹗依然，全店男士，總覺得自己好似入錯男更衣室咁﹗﹗ 吉野山的確好靚，下次有機會要再去 行到半路，主要係倦，搵個借口坐低，然後去買左兩盒杮葉壽司扮賞櫻，但實在太倦，兩個人只食左一盒 係路上見到既燒魚，不過倦到唔想食 行左一日，到夜晚先正式放飯 松屋既咖喱飯真係好正 獵櫻第五天（04/17/2017） 雖然第四日只食左一餐，但唔緊要，基本上臨走個日係 飯夠本既﹗﹗哈哈，如天氣報告預測，星期一係落雨既，所以，最後都係去唔成醍醐寺同仁和寺﹗既然係咁，就悠閒咁享受最後一天假期嚕﹗﹗ 個朝係旅館還左鎖匙就直接推行履去難波站﹗回程都係諗住坐南海電鐵返關西突港，所以計劃將行履放係COIN LOCKER後就去行街﹗ 之但係，個個遊客都係咁諗架啦，於是，係難波站既大型儲物櫃都滿哂，正在徬徨之際，有位日本女仕走過泥比左張紙仔我地，示意話可以代為儲存行履，不過就行遠少少。 收左紙仔，我地都再搵左陣，但真係無囉，個心十五十六，又驚比人呃，但又唔想推住個篋一日，又即管過去睇下，其實如果係高島屋過去，大概五分鐘步程架咋，都OK WOR﹗上到去，我本來仲諗住佢會收我700YEN架啦，但佢話500就OK，我放LOCKER要放600個隻架，嘻，賺了﹗﹗ 好彩我未幫朋友買野，只得一個篋，要不仲貴 樓上舖既行履儲存，其實都OK WOR 按傳單既指示，都唔難搵啊 按傳單既指示，都唔難搵啊 解決左行履，又去搵野食﹗大叔對於蟹道樂念念不忘，於昰又去排隊食個晏﹗可能係午飯時間，無咁多人掛，等半個鐘就有得食啦﹗真好﹗今次兩個人都只揀左個三千YEN左右既餐，因為。。。食完仲要去食開心樂園餐﹗ 其實食既野同之前都大同小異，安慰性質比較多 其實食既野同之前都大同小異，安慰性質比較多 其實食既野同之前都大同小異，安慰性質比較多 其實食既野同之前都大同小異，安慰性質比較多 其實食既野同之前都大同小異，安慰性質比較多 中午時份，雨越落越大了 出發前好友已經吩咐，要幫佢換開心樂園餐﹗皆因日本麥當勞4月14開始推出鬆弛熊開心樂園餐﹗所以食晏唔敢食太飽﹗ 出發前，朋友已交帶要幫佢去食開心樂園餐，換鬆弛熊 任務完成 四圍落雨濕濕 除左要換開心樂園餐，我地仲諗住食個早飯先出發去機場，而鎖定既晚餐之選係燒肉放題﹗出發前大叔已經話想食燒肉架啦，但幾日都就唔到時間，最後一天行程，難得落雨唔使追花，就去追肉吧﹗ 搵到一間係難波站附近既燒肉放題，4000YEN（連無限非酒精飲品）任食120分鐘啊﹗好像挺不錯的耶﹗而且這裡還有優惠卷啊﹗http://osaka.letsgojp.com/archives/10996，當然不會錯過啦﹗ 店裡的環境尚算舒適 看起來質量很好耶 食物上枱的速度也快 牛，全部都係牛，而且質素相當好，總算給獵櫻之旅畫上圓滿的句號 牛，全部都係牛，而且質素相當好，總算給獵櫻之旅畫上圓滿的句號 可愛的小擺設 牛，全部都係牛，而且質素相當好，總算給獵櫻之旅畫上圓滿的句號 店員定期會過來更換燒網和炭爐，很細心的耶 店員定期會過來更換燒網和炭爐，很細心的耶 其實不止牛的啦，還有很多很多選擇，只是，有人太想牛了，才全都點了牛﹗吃得飽飽的，終於要回家了﹗（愛回家﹖﹗） 上一篇：關西獵櫻 - 放飯篇（三） 相關閱讀： 關西獵櫻 - 住宿篇 獵櫻辛酸史（上） 獵櫻辛酸史（下） 甲子園 賞櫻準備中 賞櫻。想櫻 旅行隨身物 獵櫻失魂事件簿 關西獵櫻 - 放飯篇（一） 關西獵櫻 - 放飯篇（二）
