大家都覺得，去日本一定要食好野，仲要去人氣店打卡，不過，原來我地已經過左個個階段，出發前無刻意去搵什麼出名既食店，一來都無食飯時間，唯有去到邊食到邊﹗二來，日本食物基本質素都唔錯，求其一間都好食﹗最重要既係，兩條友去旅行都係掛住行行行，好多時都未必記得食野，有得放飯就已經好開心了﹗﹗到底五日裡面，放飯食過尐咩哩﹖﹗ 獵櫻第三天（04/15/2017） 喪行左兩日，唔知係咪倦得滯，睇錯天氣報告﹗一早起身，天氣預報明明話京都地區早上有雨。於是，專登改行程朝早先去大阪城，下晝先過去京都﹗既然唔使一早出發去京都，於是仲施施然咁係旅館既咖啡店呃個免費多士食﹗哈，雖則話係免費咋喎，都好香口好好味，絕無取巧﹗ 留宿既旅館，住客只需於10點買飲品，就有免費多士啊﹗ 雖然係免費，但都好好味喎 本來行程係無大阪城份架，因為知道已開始落花。除左大阪城，本來想去既萬博公園亦根據櫻花情報而取消了﹗但係反正唔使趕過去京都，就即管來這邊行下。行左陣見無野睇，於是諗住趁空檔去黑門市場食下野，點知咁就出事啦﹗ 大阪城既櫻花基本都開始落了 係大阪城見到學生旅行 出門前天氣預報明明話大阪好天架，整咩落雨架 大阪城既櫻花基本都開始落了 大阪城，一別廿載 2008年初到大阪時曾到訪黑門市場，當時比較靜，未算好多遊客會過去搵食，主要都依然係本地人既菜市場。但今次再遇，已經完全係兩回事，成個黑門市場都遊客，有到訪過既朋友都話，係黑門市場聽到既廣東話分分鐘多過係旺角﹗﹗四圍都係遊客，於是做遊客生意既店舖亦應運而生，以前只得一兩間店舖會預你即場買泥食，但依家寸步難行。選擇太多，反而唔知應該食邊間好﹗行行下又見到有和牛即烤，因為濕疹而戒左口一排既大叔，見到又想試下，於是，行下食下，又睇下食下， 於是，逗留時間比預期既長﹗ 本來係想過去京都既醍醐寺同仁和寺，食飽睇錶已經係2點幾既事，而寺廟一般都係四點關門，過到去都無用﹗真係失策﹗隨著花走，既然無花就無得走，一於返旅館眠一眠，晏少少出道頓堀同心齋橋搵野食啦﹗﹗ 係大阪住，點都要去黑門市場行返轉既 十年前泥過一次，感覺變得商業化多了，變成遊客區 我對蔬果興趣大尐 我對蔬果興趣大尐 唉，係市場內見到有個香港人逐盒去開左人地個盒去揀士多啤梨，實在睇唔過眼 四圍都好多人，無刻意去搵出名唔出名既，見到價錢啱又新鮮就點餐了 四圍都好多人，無刻意去搵出名唔出名既，見到價錢啱又新鮮就點餐了 好肥美啊 去市場梗係要食生果啦 一行過牛店，大叔就被吸引了 大叔雖然濕疹要戒口，但見到咁靚既牛，無理由唔比佢食既 我不太能接受肉類既油香，沾喉會反胃，好變態 居然有未炒既咖啡豆賣啊 市場既花店都好靚啊 返旅館訓左陣，又出動到道頓堀同心齋橋，一心諗住過泥食燒肉，順便預訂聽晚既蟹道樂，點知一去到見到佢幾間店都寫住話未來幾日都預約滿座喎，心中一沈﹗因為濕疹戒左口一排既大叔，一心諗住過泥有得食蟹架嘛，無理由叫佢失望，於是又硬著頭皮去本店打聽一下，呵，姐姐話佢地只接受今晚既預訂，咁係咪即係有位呀姐姐﹗真係中獎一樣，姐姐話當晚的話要等1.5小時，等等等，有得食就得啦﹗﹗ 心齋橋又點會少人得過黑門市場吖 心齋橋又點會少人得過黑門市場吖 心齋橋又點會少人得過黑門市場吖 心齋橋又點會少人得過黑門市場吖 八掛既香港人（查實只有我），一到心齋就見到消防出動，唔知咩事哩 純粹無聊，見到自動售賣機有甜筒賣，又賣泥試下 一心諗住食蟹道樂，但幾間舖都人頭湧湧，心裡不禁一沈 幾間舖話預約全滿 又好彩喎，本店居然可以預約當晚，雖然要等個幾鐘，唔緊要吖，我行住街等 真係大開殺戒呀，因為濕疹而戒口既大叔，係蟹道樂梗係要食翻夠本啦 真係大開殺戒呀，因為濕疹而戒口既大叔，係蟹道樂梗係要食翻夠本啦 真係大開殺戒呀，因為濕疹而戒口既大叔，係蟹道樂梗係要食翻夠本啦 真係大開殺戒呀，因為濕疹而戒口既大叔，係蟹道樂梗係要食翻夠本啦 真係大開殺戒呀，因為濕疹而戒口既大叔，係蟹道樂梗係要食翻夠本啦 真係大開殺戒呀，因為濕疹而戒口既大叔，係蟹道樂梗係要食翻夠本啦 真係大開殺戒呀，因為濕疹而戒口既大叔，係蟹道樂梗係要食翻夠本啦 真係大開殺戒呀，因為濕疹而戒口既大叔，係蟹道樂梗係要食翻夠本啦 真係大開殺戒呀，因為濕疹而戒口既大叔，係蟹道樂梗係要食翻夠本啦 反正要等，於是就係四圍行下，順便幫朋友買藥。都好準時，我地按時間返到去蟹道樂本店，都唔使再等已經被安排入座啦﹗真好﹗﹗總算了左大叔既心願﹗不過，唔知係咪心理作用哩，又真係覺得佢地既蟹甜尐架喎，係香港食哩，尐蟹腳會帶鹹味架，佢地個尐係份外鮮甜架﹗﹗唔好問我食左尐咩，只記得叫左兩個價錢唔一樣既餐，只記得好好味﹗﹗ 上一篇：關西獵櫻 - 放飯篇（二） 相關閱讀： 關西獵櫻 - 住宿篇 獵櫻辛酸史（上） 獵櫻辛酸史（下） 甲子園 賞櫻準備中 賞櫻。想櫻 旅行隨身物 獵櫻失魂事件簿 關西獵櫻 - 放飯篇（一）
