大家都覺得，去日本一定要食好野，仲要去人氣店打卡，不過，原來我地已經過左個個階段，出發前無刻意去搵什麼出名既食店，一來都無食飯時間，唯有去到邊食到邊﹗二來，日本食物基本質素都唔錯，求其一間都好食﹗最重要既係，兩條友去旅行都係掛住行行行，好多時都未必記得食野，有得放飯就已經好開心了﹗﹗到底五日裡面，放飯食過尐咩哩﹖﹗ 獵櫻第一天（04/13/2017） 由香港搭凌晨機0100出發去關西機場，如果要計行程既第一餐，梗係飛機餐啦﹗我成日都好好奇，凌晨機，除非你係轉機既姐，半夜出發，個個都準備訓覺，整咩要派餐﹖哈，唔好意思，我知我變態，自己唔食野走去話人地食野﹗坐幾個鐘頭機，無飛機餐食唔抵呀呵﹗﹗哩份唔係我既，我只要左個冷面同個豆腐花，個冷面汁係凍既，食起上泥份外清爽，香港航空都有尐心思呀下﹗﹗ 如果成個行程既第一餐，我估應該係係飛機上面個餐 航班比原訂時間早到左，0500就降落關西空港，只可惜航班坐位係3-3款式，唔係坐窗口位，無得係機上影夜空﹗一落機就見到日出，感覺真好，預祝旅途愉快啊﹗ 落地剛好睇到日出 搭南海電鐵出到去位於肥後橋既旅館（中途要係難波站轉車），到達時間都未夠八點，旅館叫HOSTEL，要八點先開始有人辦公，依家諗返起先記得，原來由機場到旅館係一個鐘左右咋，我記得個日我地係搭0614既南海電鐵架，到地鐵站係0720左右，因為未夠鐘，所以我地係係地鐵站坐左陣先上地面架﹗ 位住肥後橋站既旅館，附設咖啡店 旅館職員友善又醒目，當時佢地都仲只係準備中，但見有兩個傻鴨推住行履箱行過，已探頭出泥問，係咪CHECK IN﹖提前開門比我地入咖啡店安頓﹗職員英文好好，講解左基本設施同埋當晚返旅館時點樣拎鎖匙（朝早8點，房間梗係未預備好啦，我地只係泥報到同寄存行履）。 旅館職員好醒目，我地到既時候佢地仲未開門（未夠八點），但佢地一見推住行履箱既客人，已經探頭出泥問係咪CHECK IN，即刻提早開門比我地 預計當日行程緊迫，路上未必會停低食野，於是趁機係旅館既咖啡店稍作休息，同食個回魂早餐﹗後來先知，原來住客可享有免費多士啊﹗ 清優雅緻既佈局 這裡的咖啡不錯的啊（利申，我係唔飲咖啡既，大叔話不錯） 係旅館既咖啡店食份厚多士先出發去獵櫻 不出所料，兩條友去到第一站就已經行到唔捨得走，你問我，其實我覺得東京既熊谷櫻堤靚尐，個度除左有連綿櫻花樹既河堤，仲有荗密既油菜花互相輝映，感覺更美﹗ 沿著背割堤連綿既櫻花樹漫步，怎不叫人醉倒 沿著背割堤連綿既櫻花樹漫步，怎不叫人醉倒 不出所料，當天係背割堤玩到兩點鐘，路過賞櫻既小攤檔，聞到香味，先識停低食少少野 圓山公園賞櫻的人潮也很熱鬧啊 又繼續係咁行，到日落西山，等待夜櫻亮燈，無無聊聊先又去買下野食 今次沿路居然有停低過兩次食少少野，嘩，簡直係皇恩浩瀚呀﹗﹗玩到十點返到難波站，見車站內有利久（位於EKI MARCHE商場內），諗都唔使諗就去食。利久除左好食之外，佢仲有個好處係收得夜，即使我地玩到十點半，佢總之未LAST ORDER都仲有得食，而且所有牛舌都是即烤的啊﹗平時唔多食飯既我，每次都會乖乖食哂碗飯，行左一日，總算開飯了﹗﹗ 呵，回程時比我發現難波站有我地最愛既利久店，太感動了 美味既牛脷啊 之前幾次食利久都係東京，今次係難波站食，口感味道好似都比東京有點遜色，但依然味美﹗ 相關閱讀： 關西獵櫻 - 住宿篇 獵櫻辛酸史（上） 獵櫻辛酸史（下） 甲子園 賞櫻準備中 賞櫻。想櫻 旅行隨身物 獵櫻失魂事件簿
