朋友們見到你係社交網站去旅行既相，一般都會留言話：你就好啦﹗成日都四圍去睇靚風景﹗最近哩次獵櫻之旅，甚至有朋友半帶投訴說：我同你去既地方一樣，點解我無花睇﹗朋友，你早我兩個星期去嘛，花期未到呀嘛﹗ 我唔否認，我的確有點旅行運，每次都能遇上好天氣，好似今次關西獵櫻，本來話周六已開始落雨，最後到離開當天先落，基本行程未有受影響，想睇的都遇見了﹗﹗ 之但係，朋友你又可知道運氣背後，其實都仲附帶好多心機同時間架﹗就以今次為例，雖然話行程事出突然，唔單止係因為唔想請咁多日假，而真係事先做左功課，預計左復活節假個幾日一定會遇到滿開甚至櫻吹雪，先揀正係復活節假出發架﹗係有原因先會決定機票貴都照去（每人港幣五千耶，我周五出發去意大利既機票都只係四千），唔完全係運氣同彩數先遇到美景﹗ 據網路上的預報，大概了整理大阪京都櫻花滿開的日子 事間有限，美景良多，到底要點編排，點樣行，去每個地方既先後次序，交通安排怎樣安排才最便捷﹖﹗事先都要花時間去翻書爬文，作出比較調整。單單是關西的交通網絡和乘車優惠，已夠你看得眼花撩亂，這次時間趕迫，我都沒認真研究，最後也只買了關西周遊券（3天）（KANSAI THRU PASS），還有就是SUICA CARD嚕，出發前也研究了好一會，到底東京的SUICA CARD是否在關西地區適用，比我早兩周出發的朋友就是誤會了以為不通用，額外多買了關西的ICOCA CARD，呵呵，這真的不是運氣啊﹗﹗ 另外，即使大概知道花期，但每日天氣都在變，雖則話事先已編好行程，如果確保能看到想看的，依然要依據各區既天氣預報同開花情報每天再作出調動，真的是隨著花走﹗ 這次最想到的是八幡背割堤和奈良吉野山的一目千本﹗到地當天就已經有苦自己知，落機後到旅館寄存好行履就又馬不停蹄的趕往八幡，因為在同路線上，由背割堤開始到十石舟，再到山科疏水、蹴上斜道，然後就是岡崎疏水、圓山公園，在祇園白川和木屋町通賞過夜櫻方肯打道回府﹗也就是說，由清晨五點落機，到晚上八時多才離開，為了順路，為了便捷，差不多十五個小時裡就是邊走邊影，沿途看到的美景，可不只是運氣換回來的耶﹗﹗ 背割堤，連綿的櫻花檯沿著河堤延伸，好不壯觀 十石舟，雖然範圍不大，但古色古香 山科疏水，日本人的文字藝術也太神了吧﹗ 蹴上傾斜鐵道 岡崎疏水 木屋町通的夜櫻 你當然可以話，自己攞苦泥辛，我都認架，奈何我有一個熱愛影相既旅遊伴侶，但求佢影得開心，再辛苦又何妨﹖﹗我只係想講，美景同運氣背後，其實係充滿辛酸架﹗好彩我有消除腳倦既秘方，行完一日返旅館做以下動作，第二朝又可以繼續再行過﹗﹗ 哩個動作對於消除疲勞好有效，即便你去旅行血拼完，不妨返酒店做一下，如果可以係後腰加個枕頭墊高臀部就仲好﹗﹗
