話說星期六一早,一對好耐無聯絡既朋友突然約食晏,地點係一間我經常幫襯既小店。其實同哩對朋友一直投緣,只係近來少聯絡,我諗唔到拒絕的理由。 哩間元朗小店實在太抵食,差不多每個星期上完瑜伽堂都會幫襯,早前介紹過比哩對朋友,估唔到佢地都不受控地愛上,大老遠都要走入泥食 HKD55一個餐,連餐湯包飲品免加一,尐野仲要係好食既,的確吸引。 我既首選,一片香甜既蜜瓜 炒蛋德國腸,配可口自制既多士,仲有新鮮沙律 朋友點既牛利沙律加雞扒,佢地個雞扒皮脆肉嫩,實在係無得輸 除左我,個倨都眼闊肚窄,要加錢加餸,另一個朋友點既豬扒意粉加蝦餅 一個二個都貪心,情願食到飽到上心口,都要加錢還變雙併。與其話聚舊,倒不如話聚餐,其實成餐飯都係傾尐不著邊際既野,八掛新聞,網上趣聞之類。就輕輕鬆鬆用餐吧! 飯後朋友建議到尖沙咀既歷史博物館睇玩具展覽,反正無野做,又一齊去行下。真係失禮,如無意外本人係無去過什麼博物館既。政府難得的福利,據聞館內既常規展覽係免費架,只係今次限定展出,就收費10蚊,抵玩吖。 去到發現排長龍,如果唔係朋友同場,我就走左唔等架啦,但亦好彩朋友同場,要我就錯過了。館內真係妳啱我地哩尐老鬼懷緬過去。係館內可以影相,只係太精彩,太專注,影相唔多。 點擊圖片放大 +5 成個展覽都幾值得睇,相信對大部份既成年人都係一種回憶。展品種類好齊全,男仔女仔既,塑膠超合金,靜態動態既都有,有尐人一路睇一路影,我還是選擇用眼睛去細味啦。展覽去到五月,反正入場費只10蚊,或者我會去多次都唔定,始終星期六人多,平日去該可慢慢觀賞。 去睇完展覽,幾日人好似都仲係意猶未盡,又從尖沙咀去左荃灣晚飯,仲叫多兩個朋友。我地幾個都係簡單人,地點都依然係小店,仲係係一個平時唔多會經過既地方,如果唔係朋友介紹,真係唔識去。是日繼續懷舊,又繼續抵食,胡椒豬肚湯,客家蛋角。6個人埋單唔使700(連飲品) 唔起眼既小店,但未夠七點居然已座無虛席 好香既胡椒豬肚湯 啫啫通菜煲,加左蝦乾既鹹香,份外惹味 轉眼間就唔見哂既烤豬手 客家蛋角,我第一次食 椒鹽九肚魚,節影完相就無哂,只食左一條 後尾再加多左一客豬仔脾同埋炒芥蘭,份量好夠,個個都飽到行唔郁 延伸閱讀:食物以外