體貼既老闆 好友準備出發到加拿大睇極光,想要借腳架一用,於是放學返家後又趕忙拎落元朗畀佢。有時有尐朋友,無論你幾倦幾忙,只要對方需要你既幫忙,你都會不加思索,義無反顧去做,所有野都好似順理成章咁,如同屋企人一樣,只會諗點樣做,唔會問點解。 返到屋企覺得肚餓,聽朝一早又要出門,唔敢食野,怕消化唔倒訓唔著,但唔食有又點思前想後,真係麻煩。諗返先記起,原來今日全日只食左一個cup cake。 係朋友推薦下,開始幫一個瑞士人做野,一個人經營既公司,所有野都亂得可憐,新老闆有好多想法。一般思考型既老闆都有一個毛病,就係諗得快,同一時間想做好多好多野,但實行係上泥就有點迷失方向。 而一個OCD見到咁亂既野,又打從心底好想去執返靚佢,好想將所有亂七八糟既野,無人覆既電郵,雜亂無章既文檔,無秩序既經營手法,好想充充重新編案,重新整理。因為公司規模細,薪酬方面可想而知,新老闆問我想要幾多既時候,我好直接咁答佢,你出到幾多就幾多吧,我純粹當係一個挑戰,一個考驗。