秘魯同玻利維亞既遊記一直都未寫哂，停左又重新開始要點時間，要重新睇過相，重新睇返之前寫過尐咩。早兩日提過係LA PAZ識個幾個朋友，於是開始睇緊LA PAZ當天既相。或者我地唔夠時間去月亮谷，無時間去行博物館，但卻遇到似嘉年華會多過似遊行既示威活動，遇到有人佔據郵局，係巫婆市場一帶遇到好有才華既音樂同好有文藝修養既老闆，雖然去到一間出名既日本餐廳摸門釘，但就遇到一家本來諗住去同女兒慶祝畢業，同樣模門釘既客人。每個旅程都有好多獨特既記憶同遭遇，或者好多地方無去到，無經過其他背包客遇見既，但人生就係各有不同，各有領會﹗﹗ 對於越來越荒謬既社會，越來越多奇怪既見解，有時都會問，到底係自己怪定係人地怪，好想不聞不問，但無論你有幾封閉，你始終都要同社區接軌，點有可能置身事外﹖﹗點解成日都期待一個公平公義既社會，正正因為害怕自己會遇到不公義既事時求助無援﹗正所謂己所不容，勿施於人，凡事過得人過得自己，假如同類既事大家真係掉得返轉應用係自己身上的話，咁~~~或者你真係啱既﹗ 有朋友著手搞移民，我成長既年代，需要經歷過移民潮，但因為身邊既朋友都出身寒微，係認識既朋友圈裡係無出現過移民哩個舉動既﹗估唔到，時至今日，先泥經歷移民哩樣野﹗幾個朋友都不約而同揀台灣，大概係門檻比較低同埋始終大家都係用中文既地方，覺得會比較容易適應﹗ 朋友有要逃命既心態唔難理解，眼見自己所居住既地方突然好似變得頹桓敗瓦、千瘡百孔咁，試問為人父母，有邊個想自己既仔女面對﹗去到其他地方，要重新適應，重新融入，即便一個再好既地方始終都會有佢自己既問題，你逃過了這裡的政治，唔代表你能避開那邊的經濟﹗作為父母，總怕自己既選擇會禍延下一代，兩難啊﹗﹗ 早前韓國既大熱電視劇 - 鬼怪，入面提到一樣好有趣既說法： 一個靈魂會經歷四個人生，撒種的人生；給種子澆水的人生；澆水的種子收穫的人生，以及享用收穫的人生﹗也就是意味著，假如你的第一個人生沒有好好的去撒種的話，你餘下來的三個人生將會變得苦﹗同樣，即便你有好好的撒種，那怕你沒有好好的去澆水，沒有好好的去收割，你仍沒法能享受收穫﹗ 這有點類似佛家的因果，或輪迴的想法﹗唔~~~該怎麼說哩，我沒有宗教信仰，但傾向接受佛家的想法﹗雖不信輪迴，但仍深信我們每個動作，每一個想法，都會影響人生的下一步﹗所以當聽到劇裡有四個人生的說法時覺得挺有趣﹗ 雖不常看電視，但若要選擇的話，早年較多收看日劇，近年主要是韓劇，原因是他們的劇集一般都會滲透人生道理，值得細味，值得反思，不是只哭哭鬧鬧，煩擾人心﹗ 我常說活著無聊，多少希望能早點完結這場無聊的旅程。有些事情，總希望能繞過躲開，與家母緣薄，多年來一直沒能走得很近，花盡氣力還是徒勞無功，以為能就此完結，卻總會不經意的時候藉著其他事情提醒你的責任還沒有完成，帶你再走一步﹗﹗ 對職場厭倦，本想好好的過日子，但大概這一生的功課還沒有做好做夠，即便坐著不管，工作還是會接踵而來，好像在提醒，你生命所作的功德還不夠多，安逸的日子還遠哩﹗休想就此逃過一生的責任﹗捉迷藏的日子，捉迷藏的人生﹗你越去躲，功課就越趕上來﹗﹗ 是日天寒地凍，誰不是躲在暖暖的被窩避開冷風，但你再躲，你總得上個廁所，吃個午飯，又有誰能躲得過﹗ 要是沒有完成人生的功課，它總是會跑到你跟前迫你面對
