尋日講起係薩爾斯堡認識到好投契既朋友，實在係緣份。 自己唔算係一個主動熱情既人，未必敢同旅途上遇到既每張面孔交談，但幸運地，在過往的旅途上總算廣結良緣。 係西藏認識既大哥，仲會時刻給我寄點藏香；係亞丁村認識既村民少女，雖然語言有點不通，但仍偶爾會送上問候；亞丁村經營旅館的大叔，總愛給我發當地每天的風景變化，細說旅居的點滴。 還有到挪威追光時認識的攝影師，羨慕他對本土的環保意識。另外，有趣地，在日本長瀞車站，因較偏遠，車站入夜後沒有票務員，也沒有自動售票機，不韻日文的我倆差點被迫流落鄉間，幸好及時出現一位加拿大藉的華人幫忙翻譯才能回到東京，一個多小時的車程，聽著這年輕小伙子的夢想，多年來在社交網站上看著這小伙子向夢想邁進。 又。。。在入夜的東京台場遇見的泰藉兄妹，只因幫忙充當攝影師而認識，2016年元旦到曼谷，也多得兄妹二人的熱情款待。 另一位泰國朋友卻是在德國認識，當時身在國王湖附近的旅館，剛巧遇到過了辦公時間才到達住宿的一家人，出於好心去幫忙處理，跟才剛大學畢業的小女兒份外投契，於是交了這個朋友，難得大家也對小孩子工作有期望，偶爾交流一下。 這些朋友，主要都能靠書寫中文或英文溝通，雖不算深交，總算能互相傾訴。但在玻利維亞的La Paz時認識的三位女生，卻讓我不得不面對語言障礙這個問題。 話說在La Paz留宿期間，趁機到擁有全世界海拔最高既纜車站觀光一下。La Paz既纜車係國營既，暫時只有三條線，但因為大部份既居民都住係山上面（香港越有錢越住上山，人地就越窮越住得高），為方便市民來往市中心，纜車收費好平，而大部份搭客都會係半路落哂車，哈，返屋企吖嘛。當時我地係搭紅線（好似係掛，要睇返資料先敢肯定），下午時份上到山頂，死城一樣，成個山頂廣場見到既人十隻手指數哂。 係四圍影相期間，有三個當地女生都上左去玩，我都唔記得左係點開始交談，可能係我見佢地想自拍，我多口問要唔要幫忙之類。 想傾計，但始終學識有限，佢地唔識英文，我又唔識西班牙文，為免尷尬，傾左兩句我就示意要返去朋友個邊，哈，點知坐左陣，佢地走埋泥話送禮物比我地，佢地話第一次接觸亞洲人，所以好好奇，嘻，後來我發現，原來佢地鍾意韓星，以為我地係韓國人，所以主動過泥搭訕。 一般係外地識朋友，最初頂盡都只係攞Facebook，點知佢地好直接咁問我攞電話號碼，話第時可以係Line聯絡，南美人果然係熱情尐。因為係年輕人，佢地既Facebook每日都有好多更新，我又當作學下西班牙文，得閒傾兩句，又問下咁，都幾得意吖。 去旅行，其實除左觀光， 除左食，除左購物血併，有時傻下傻下咁同路上遇到既人傾下計，攀談下都幾得意架，唔同地方，唔同種族既人會帶你去認識唔同既世界，令旅程變得更精彩。 係La Paz纜車站遇到當地三個女生，給我們送的小禮物 當時到山頂只為了一覽La Paz的全貌 La Paz的纜車是全世界海拔最高的纜車，在這裡居然認識了新朋友 El Alto，遊客都慕名而來 La Paz既夜景 相關閱讀：南美之旅（La Paz住宿篇）
