周末，本來係想畀上班族喘喘氣，辛勞了整整一個星期，趁周末稍稍調整、沈澱，養精蓄銳，等周一上班重新趕忙。 可惜，香港既上班族同外國既上班族有點分別，人家平日放工後係有自己既生活，有自己既時間，於是周末可以出外走走，又或陪陪家人見見朋友。而香港既上班族，平日有返工無放工，好不容易周末才算活過來，想要“冬眠”整整48小時，但又會被身邊親人朋友投訴你頹廢。假如想做個有態度既上班族，周末幾忙都要安排一大堆既活動，上山下海，“善用”周末。 結果，周末並沒有好好休息，沒有機會調整步代就又回到辦公桌繼續埋首苦幹，到底是明智定不智，真係見人見智。 初出茅蘆時，不自量力，一個星期返左三晚夜校，唔使OT就約三五知己食飯睇戲，周末嘛，梗係行山遠足，總之一班朋友上山下海務求要去試盡城中新鮮玩意/食店。久而久之，覺得根本自己搵自己笨，生活好似好精彩好充實，但實際日日都只係帶著疲憊無靈魂既身軀過日。返工唔夠精神，未能發揮最佳狀態，影響表現，對自己不滿，於是放工更加想去玩去抖氣，自以為活得精彩，結過只係惡性循環，樣樣都做唔足。 人大左才明白，精彩既定義唔係行程表舖排得密密麻麻，而係對所做既事負責投入，於是開始避免周一至周五不必要既約會，周末亦有選擇地“精彩”。 近年，除左節目，朋友間既聚會基本都鮮有露面，好想靜靜地過日子，經常見面既只有三數知己。話說星期五晚返家，難得係天水圍都見到滿天繁星，心血來潮懷念從前追星既日子，於是，周六晚搵埋好友去大坳門踫踫運氣。 明知星期日一早有瑜伽課，又要為家人既忌辰做祭祀，但仍不知量力，前一晚同朋友摸黑捱夜走去影星，唔知幸定不幸，明明出發時天色明亮，都未去到目的地，只係一出到九龍區已經見到滿天密雲，心知不妙。去到現場當然係無功而還啦，但仍然死心不息，人有時總會犯賤一下，明明第二朝要一早起身，無星睇都仲係要搵其他野玩，總之就係唔願返屋企訓。 結果就係眼腫腫咁上瑜伽，然後一臉茫然咁去拜屋企人，跟住。。。仲要打住喊露陪朋友食晚飯，唔知傾左尐咩。 人總愛明知故犯，明知不可為而為。 興之所至，尋晚同朋友走左去大坳門影星，雖然無功而回，但偶爾瘋狂一下也不錯吧 興之所至，尋晚同朋友走左去大坳門影星，雖然無功而回，但偶爾瘋狂一下也不錯吧
