每次落筆（其實就快唔識寫字，何來落筆），都有個難題，就係到底應該直接用廣東話，定係用書面語，好多時明明寫緊普通話，都會不知不覺又變返書面語，搞到成篇野怪怪咁，於是又要由頭睇多次改返做書面語。 周末陪屋企人，一般都唔會著手寫要整理資料既野，Puno同La Paz既觀光相下星期有機會先再寫埋佢，明知無人睇，主要係想迫自己完完整整咁完成整個南美之旅既所見所聞。一路睇意大利既資料，網上或旅遊書上既資料不停都在提醒意大利既治安，講到得人驚過南美，忽然有點會心微笑，好似有尐替南美平反咁，去南美個陣個個都問你地唔怕危險咩，但依家睇返，意大利既治安分分鐘差過南美，但點解無人會問，你地居然敢去意大利呀，好危險架。。。之類既說話。 意大利比人感覺係充滿文藝意識既地方，明明周街都係呃錢黨、扒手，但大家就趨之若鶩，南美就係又窮又落後既地方，縱然民風熱情純樸，但就個個都畏之三分。其實每個地方都有黑暗面，有治安唔釨既一面，南美可能的確會有搶刧個案，但起碼無人周街呃錢，係廣場突然有人比雀粟你然後問你攞錢，又唔會突然有人走泥綁繩係你手問你攞錢，更加唔會買買下地鐵票走歊泥搭完兩句咀問你攞錢。兩個地方都有機會語言不通，但就被套上不同既標籤印象。兩者相比，我比較驚意大利多尐，南美只要你堅守財不可露見既大原則，基本安全，但係意大利，忽然有人走過泥捉住你影相就已經可以屈你比錢，好似更加防不勝防咁。 最近多左同聽障朋有溝通，知多左好多佢地圈子既事，我成日都同佢地講，學手語，唔止係學多左一種溝通方法，而係學多左一個世界，好似當去外地旅遊識到外藉朋友咁，由佢地口中會了解多左佢地本土既問題，歷史同背景，哩尐都係書本上唔會覺到既事。 一班聽障既朋友，明明大家都生活係同一個社區，卻面對著不一樣的世界，感覺特別抽離。以前真係太幸福，所有野都泥得太理所當然，就單單以夭字為例，因為我地聽到講到，由細到大學習文字唔會感到有特別大既障礙，唯一障礙就係你想唔想學，一件咁理所當然既事，於是大家會有錯別字，會有懶音，近年既網路文化，有時更加會刻意用同音字泥制造搞笑氣氛或食字抽水。 相反，哩班聽障朋友，正因聽唔到，又。。佢地既學校唔會加手語去幫佢地容易明白每個字彙既意思，變左學起文字泥處處踫壁。我以前成日以為所有聽障朋友都識手語，到依家先原來全香港大概只有2.5個巴仙既人識手語，佢地學校基本係唔教既。但佢地聽唔到，發音就更加未必個個發到，於是學起文字上泥實在難關重重。 身邊朋友知我學手語，佢地會覺得，唔係全世界既手語都一樣既咩？我地用緊既語言都唔可能做到世界大同，點解你會認為手語可以做到統一化既哩？又。。。同醫護朋友傾，聽障朋友去睇醫生時，因為無手語翻譯而遇到難題，佢地會覺得，無翻譯，佢地識字架嘛，邊個話佢地個個都識字姐，莫講話聽障，我地既上一輩都未必個個識字啦！再者，聽障朋友打手語既文法係同我地口語/書面語既語法唔同，係寫既時候好易會出誤會。好似早排引起爭論個位聽障人士被誤送精神病院咁，當時其實佢有寫字架，但佢用既係手語語法，於是院方睇唔明，其實我最初都唔明，後來同聽障朋友傾開，佢叫我照字面用手語打一次出泥，我先恍然大悟。手語語法習慣將形容語，有無之類放係句末，我有寫我心，於是佢地只能手語照譯返做文字，健聽人士係唔會明既。 重申，唔係佢地唔想學好文字，而係佢地唔能夠完全掌握每個字既意思，即便有手語輔助都未必隻隻字解到，何況唔用手語教。。。 最近既經歷係，一班朋友係通訊群組用文字討論一件事，其中一位聽障朋友發表左尐野，但無人睇得明，後來見面，另一位聽障朋友要用手語再問一次，然後用文字翻譯返比其他健聽既朋友知，但本來發表個位聽障朋友依然表示文字唔係佢原意。。。哩兩位聽障朋友已經係中文比較好既一眾。原來，我地一直以來認為咁理所當然既事，對佢地泥講係有咁大障礙。 當然我都仲只係係佢地世界既外圍，仲有好多野唔明白，唔理解，係溝通上都只係靠估，但我好想可以了解多尐佢地既世界，身邊朋友覺得我古怪，或者，係因為我鍾意聽障朋友既直率，佢地鍾意就鍾意，唔鍾意就會直接表達。雖然身邊會遇到好多不平或麻煩事，但佢地好多事過左就算，唔會根根計較，我比較鍾意哩種溝通方式。 同一樣既天空，隱藏著不一樣既世界，外界看似很美，但實際景況，非要親身到訪才能知曉。 天空很美，但天空下的世界哩
