整個行程，最無做過資料搜集既就係利馬﹗一直都諗住返到利馬會去HUACACHINA或NAZACA LINE，應該唔會點係利馬市內遊走，所以完全無睇資料。誰不知回程時有人身體狀況欠佳，臨時取消了HUACACHINA既滑沙之旅，突然多左時間都唔知可以去邊好﹗好彩AIRBNB既主人好細心（其實住過既AIRBNB屋主都會咁做），放好哂附近有咩可以玩可以食既資料係當眼處，等住客可以參考，唔使咁徬徨﹗ 根據屋主既資料，除左可以出舊城區遊走大教區同修道院，原來附近仲有一個大商場可以睇下﹗於是，兩個細膽既遊客行完舊城區睇過大教堂同其他主要景點之後，就趁日落前搭的士返MIRAFLORES既住處﹗ 一來怕入黑係市區治安會變差，哈，真係比較細膽既遊客﹗另一個原因想係日落前趕返MIRAFLORES係為左可以欣賞太平洋的日落﹗ 去舊城區玩既時候，我係無帶相機既，始終我個子小，比較容易成為賊人既目標，再者，同行拎住 CANON 5D個位係一個粗心大意既人，永遠換完鏡係唔會關好相機袋，假如兩個都掛住影影影的話，我真係唔敢諗會發生咩事﹗﹗返到MIRAFLORES感覺較安全，所以就先返住處拎埋相機去屋主推介個個大商場﹗﹗ 唔係掛，山長水遠係利馬行商場﹗﹖哩個商場其實就係舊年11月APEC領袖到利馬開會時，發生大火個個商場﹗﹗商場位置剛好係APEC領袖入住既JW MARRIOT對面，但佢被例入到利馬必到既景點係因為佢既設計﹗ 返到MIRAFLORES比較敢四周走走 我地住係MIRAFLORES LEXUS APARTMENT，ACHE係到埗第一晚晚飯既餐廳，個度其實係HILTON HOTEL泥﹗找換店、郵局、賭場、圖書館、劇院之類主要集中係AV 28 DE JULIO，而另一個方向就係海邊。係住所一直往海邊方向走大概十分鐘左右就會搵到JW MARRIOTT酒店，但即使你行到去JW MARRIOTT，你都依然未發現附近有商場，點解哩﹖﹖ 利馬MIRAFLORES既JW MARRIOTT酒店 明明話JW MARRIOTT酒店對面有個大型商場既 係酒店望過去，只見到一個類似公園既廣場 頭先講左，LARCOMAR商場備受關注既原因係佢既設計，咁到底有幾特別哩﹖你係JW MARRIOTT HOTEL行過泥只會見到一個好大既廣場或公園之類既物體，完全無商場既踪影，但你只要繼續向海邊行出去，你就會發現原來商場係你腳下﹗﹗ 商場原來係腳下 只要走到公園既盡頭，沿住梯級落去，你就會發現另有天地 商場係依面向太平洋既山崖而建 商場腳下是一片長海灘，這個可不是普通的海灘，而是太平洋耶 欣賞太平洋的日落 有遊客會直接在海灘留宿 在太平洋上的餐廳，突然想起了船頭尺 在太平洋上空現滑翔傘，帥呆了﹗ 商場裡的餐廳大都能看到海景，價錢當然比較貴囉﹗即便不到餐廳，仍能在平台吹著海風，聞著太平洋的氣味，欣賞太平洋的景色，不是很寫意嗎﹗﹖跟之前的十數天艱辛行程，有點南轅北轍的感覺，真的都在南美嗎﹖﹖大城市就是不一樣嚕﹗﹗正因為地勢關係，這邊很多人在玩滑翔傘（是這樣叫嗎﹗﹖）在太平洋上空飛行，太浪漫了吧﹗﹗ 雖然沒能到HUACACHINA看沙漠中的綠洲，在這邊吹著海風看夕陽，也不錯吧﹗﹗ 從沒想過，浪漫一語可套用到利馬這個地方 上一篇：遊走秘魯利馬（三） 相關閱讀：南美之旅（LIMA住宿篇）
