今日才初六，幾時先到新十五，新春檔期不停食食食，個人已經開始唔舒服，有點食積既感覺，姐係個人飽飽滯滯，又唔係感冒但就有點口腔發熱既情況﹗﹗哈哈，真係有得食又煩，無得食又煩﹗﹗ 個人好倦，無力打字，講起食，忽然記起當日南美之旅回程既時候，係LIMA第一餐既甩轆事件﹗﹗ 話說回程時由CUSCO返到LIMA已經入黑，落地應該係晚上七點左右，按所租住既AIRBNB屋主指示，係機場裡面既行履輸送帶附近搵GREEN TAXI櫃位，等佢地幫忙安排的士出發位於海岸線附近，MIRAFLORES區既住宿﹗ 題外話：由機場去MIRAFLORES個程的士都真係相當精彩，根據GOOGLE MAP顯示，車程大概要45分鐘左右，但一離開機場範圍就已經大塞車，司機叔叔都依然可以逢車過車，係完全唔使減速既情況下就抽頭轉線，簡直係車神一樣﹗幸好有佢咁勇猛但又安全既駕駛技術，我地總算能在8點前到達住處﹗再一次，我真心認為南美人係心地善良又熱情既，叔叔按之前係櫃台報既價錢收費，幫我地拎哂行履入大廈，當時大家都又倦又餓，怕無地方食野，叔叔又熱情咁話我地知附近有咩食。 上到AIRBNB，大家見到舒適寬敝既環境嘩嘩聲完一輪，即刻問屋主附近有咩東南亞菜式，屋主係日本人，推介左附近HILTON LIMA MIRAFLORES HOTEL入面既日本餐廳 - ACHE﹗ 既然屋主係日本人都推介，應該唔差得去邊掛﹗再者，當時已經差不多九點，雖則話MIRAFLORES係LIMA最安全既區域，但到底有幾安全，我地當然唔敢挑戰，就乖乖按屋主既建議去酒店搵野食﹗﹗ 南美之旅有點奇怪既體驗，自問一行五人，大家都去過唔少地方，亦有去過長途旅行，但大家都無試過有HOME SICK哩個情況，今次居然大家去到第二站PUNO就已經開始掛住香港既野食，沿途都有企圖過去搵中菜館，食係有食過既，但一係就係好鹹既炒飯，一係就係古怪既配搭，再唔係就又乾又鹹既炸雞翼炸豬排咁，可能南美食物都係偏鹹（一來天氣熱，身體流汗多，需要補充，二來都係因為天氣熱，食物醃製過無咁易變壞﹗），加上天氣乾燥，搞到我地好想飲湯呀，想食放湯既野﹗於是去到HILTON HOTEL既ACHE餐廳，大家都不約而同咁想搵湯面或湯烏冬之類﹗ 滿心歡喜每人點左個烏冬，然後加多兩個卷物。食完前菜，食完卷物，個烏冬泥到既時候大家都跌左落地﹗﹗我地五個人所點既五款烏冬，結果~~~全部都係炒既﹗﹗ 高級餐廳都鍾意搵佢地覺得好有格調既器冊盛放食物，但這個前菜既碟都唔使咁大個掛 大家滿心期待等食 不過不失既卷物 中伏既烏冬 交待返先，ACHE雖則話係日本餐應，但一入到去個格局，其實有少少似酒吧﹗又有點似FUSION既西餐廳﹗係秘魯搵日本菜館，我地當然唔敢奢望會遇到尐好地道既，所以不防有詐﹗ HILTON LIMA MIRAFLORES的ACHE 餐廳，有點酒吧FEEL HILTON LIMA MIRAFLORES的ACHE 餐廳，有點酒吧FEEL HILTON LIMA MIRAFLORES的ACHE 餐廳 唔~~~講哩句說話好似有點不負責任，其實都唔係好關人事，係我地自己無睇清楚，自己一心諗住UDON係放湯既，於是就只睇左配料，無睇過原來唔係WITH SOUP，而係FRIED UDON，唉，其實唔係唔好食架，只係~~~同我地既期望不一樣姐﹗﹗ 相關閱讀：南美之旅（LIMA住宿篇）
