AGUAS CALIENTES - 熱水鎮，係去馬丘比丘既重鎮﹗大部份既觀光客都會係度搭接駁巴士（USD12）去到遺跡門口﹗行完印加古道亦會以哩度為終結，完全只係旅客既集散地，餐廳、旅館，連紀念品既標價都比較貴﹗﹗ 之前提過，假如要去馬丘比丘，你就係OLLANTAYTAMBO直接搭火車去到熱水鎮（火車站好似直頭叫MACHU PICCHU），然後搭接駁巴士上去﹗假如你係行印加古道的話，就係中途站KM82（4日3夜，要係山上扎營）開始行，或KM104路經WINAYWAYNA返熱水鎮留晚，然後第二朝再上馬丘比丘﹗ 去馬丘比丘既路線圖 我地選擇左行2日1夜既路線，行印加古道唔係係人都行得，係要有許可証，要預先申請的，仲一定要有當地領隊帶你行先得，所以我地出發前己經搵左一間網上信譽良好既旅行社代辦﹗ http://www.llamapath.com/en/short-inca-trail LLAMA PATH 2日1夜團的資料 LLAMA PATH 2日1夜團的資料 我地報名個陣係USD395一個人，聽落好貴，但其實你諗返，佢包你CUSCO去到MACHU PICCHU來回既交通，兩程上MACHU PICCHU既巴士，早午晚餐各一餐，MACHU PICCHU同印加古道既入場費，一晚酒店，仲有領隊，佢都唔算賺你好多﹗﹗ 係OLLANTAYTAMBO住宿篇都提過，我地改左係OLLANTAYTAMBO留宿，領隊原來都住個度，出發個朝領隊過泥旅館接我地，幫我地搞掂行履既問題，就一齊行去火車站出發﹗搭大概一個鐘火車去到KM104落車開始行﹗依家睇返車票，原來個日我地係7點出發，有咩早咩原來，可能係我地話想早尐開始行﹗姐係如果我地唔係留OLLANTAYTAMBO而係住CUSCO的話，要再推前兩個鐘左右出發﹗﹗ OLLANTAYTAMBO去MACHU PICCHU既火車票﹗ OLLANTAYTAMBO出發去KM104既火車，車上有簡單既免費早餐供應 KM104係無正式既車站架，跟住領隊行過橋（橋下面係就係兇湧既RIO URUBABMA）會去到一個哨站，係個度要核對護照資料先准放行﹗ KM104站係無正式車站既 KM104係入印加古道既哨站 印加古道既許可証，第二日入馬丘比丘都係靠佢架啦 雖然辛苦，但真心覺得印加古道係值得行既。沿途尋幽探秘既感覺畢生難忘，領隊英文好好，講左好多故仔同埋介紹路上南美特有既植物，幫行到斷氣腳斷既路程添多幾份樂趣﹗我自己反而鍾意路經既WINAYWAYNA多過MACHU PICCHU，遲尐寫行程先再上相，其實我個日無咩影到相，皆因我個日係負責做PORTER，講起就淒涼﹗因為有人無法負重，個日真係想死，我個背囊裝住既，除左兩個人既輕便行裝，仲有一部5DMARK III，一部GOPRO，一部CANON G3X，然後諗住每人2L水應該差不多，點知見到領隊佢又再每人派多2L飲品，同埋個日既LUNCH BOX連蘋果加柑﹗結果姐係我帶住8L水，兩個人既食物盒行左幾個鐘﹗每次講起都覺得自己堅﹗﹗ 呀，個日有影GOPRO喎，不如睇下吖 - 印加古道﹗ 我地個團費只包左2程連接熱水鎮到馬丘比丘既巴士，本來係諗住第一日行到馬丘比丘之後再行返落熱水鎮架，但領隊扭親腳，嘻，主要係我地已經倦到行唔郁，所以就自費搭巴士落返熱水鎮﹗ 買熱水鎮至馬丘比丘既接駁巴士都要出示護照，車票係有名架 巴士返到熱水鎮，落巴士個下真係腳軟，點知，落左巴士，阿領隊哥哥示意仲要行一段斜路先返到酒店，當時真係唔想行﹗旅館係旅行社安排既，應該係叫WAMAN HOTEL，唔知幾錢，依家睇返大概HKD600一晚，都幾貴，無法，旅遊區﹗而且哩間旅館係新開架，我地舊年4月住個陣，佢好明顯係未完全裝修完，房入面都仲有尐甩漏野架﹗但整體乾淨企理﹗﹗旅館行去火車站都近，旅行社選住宿都有揀過既，唔係貪平求其比你﹗﹗ 熱水鎮旅館位置 舒適既床舖 其實明明唔識聽，但梗係鍾意開住個電視機扮識睇 浴室都算大，同埋佢係少有地有洗頭水護鬆素供應既旅館﹗﹗不過我記得好似個廁所有少少漏水 團費仲包左晚餐，同領隊一齊食，去到餐廳有餐牌比你揀，唔係限死你食一樣，都算有良心架啦﹗ 團費包埋既晚餐 食晚飯時領隊有問到我地第二朝想幾點出發，總之佢既工作係導賞埋馬丘比丘（大概2小時），早行完佢早收工咁啦！講下笑架咋，其實佢好好心機又好幫手架，到依家都仲有聯絡﹗題外話，南美人外貌一般都較實際年齡大，加上佢成日跑山，外表更覺蒼老，當我話估佢有卅幾歲個陣，佢好失望，原來佢畢業無耐，都仲係廿幾歲仔架咋﹗ 雖然我地想睇雲海，但佢話太早上去霧太大，會咩都睇唔到，所以勸我地舒舒服服咁係旅館食完早餐先出發﹗嘻，依家諗返環境，先記起旅館個早餐都唔錯架，比較西式同多選擇﹗旅館餐廳係頂樓（五樓），可以再行一條小樓梯去天台睇風景，讚﹗ 火車站係市集入面，等旅客可以買下手信先離開 行完馬丘比丘，係要自己搭返巴士返落去熱水鎮，自己搭火車走﹗其實回程安排都幾得意，因為無火車直接來回CUSCO到MACHU PICCHU，你只能搭火車去到半路，旅行社先再搵司機到火車站接你返CUSCO﹗ 回程既火車票 回程既景觀火車 火車上面仲有免費道地既小食供應 行馬丘比丘，如果有興趣，可以係入口處蓋紀念章 回程火車我地指明要坐景觀車，有全視線既天窗，可以細味沿途風景，好搞笑，車上除左有免費餐飲提供，服務員仲有行CAT WALK賣衫，仲有人跳民族舞，如果你唔倦，都係一個幾得意既經歷﹗﹗ 車上服務員都真係唔易做，仲要跳埋舞 相關閱讀： 南美之旅（機票篇） 南美之旅（CUSCO住宿篇） 南美之旅（PUNO住宿篇） 南美之旅（OLLANTAYTAMBO住宿篇）
