到CUSCO，除左可以係市內遊走大教堂同太陽神殿等古建築物之外，係武器廣場不難看見有旅社職員向旅客兜售一天或半天團的資料﹗同其他旅遊區一樣，街上既旅社是否可靠，多少靠點運氣，假如真係想隨團走走，最好搵旅館推介或先做點功課搵較有信譽既旅行社﹗ 半天團有市內參觀連導賞SACAYHUMAN遺址，一天的話則可到近郊的SACRED VALLEY。城市人以趕急行程遷就有限假期，每次都總會帶點遺憾，每次睇返南美行程我都覺得唔夠，走馬看花，好多值得去睇既地方都無去到，唯有同自己講希望有緣再見啦﹗ 行程表上自己做既CUSCO功課 時間關係，出發前左度又度，我地放棄SACAYHUMAN同白色耶穌像，而選擇去睇近郊既SACRED VALLEY，係住宿篇個陣都提過，SACRED VALLEY其實係考古遺址，包括左PISAC、CHINCHERO、MARAS、MORAY同OLLANTAYTAMBO等，最初以為可以一次過睇哂，但原來一般旅行社都會拆開兩日玩，MARAS MORAY半天團，然後其餘三個地方就一天團，我懷疑係關門票事﹗﹗買半票的話有效期兩天，與期好趕咁一日玩哂，不如拆開兩日，收你兩次錢慢慢玩，我知有人會包車一日去哂，但就貴好多。 SACRED VALLEY係CUSCO近郊既熱門旅遊點 入SACRED VALLEY係要入場券既，而所有既團都唔會包哩張入場券，好似買個陣要出示護照（唔係好記得）﹗唉，一路唔願寫就係哩個原因，我本書借左比朋友，又唔願搵資料，但既然要寫，唔想講尐唔講尐，於是又上網重新搵過資料﹗ http://goperu.about.com/od/sightsandattractions/a/Boleto-Turistico-Cusco-Tourist-Ticket.htm 門票分兩種，一種係全票（BOLETO TURISTICO），全票的話每人USD50(S130)，有效期10日，基本上就可以玩哂CUSCO所有既景點，包括市內既教堂同博物館之類﹗ 好似我地咁，只玩一日，就可以選擇買半票（BOLETO PARCIAL），USD25(S70)，我地要想睇既SACRED VALLEY都可以睇，有效期2日﹗ boleta parcial有效期2天，可以不限次數出入PISAC，CHINCHERO，OLLANTAYTAMBO 其實可以自己係CUSCO搭巴士去，但我地唔想煩，所以搵埋帶我地行印加古道個間旅行社，參加一天團去睇SACRED VALLEY﹗旅行社收費為每人20蚊美金，但好奇怪地6個人包團就要USD210，我唔明條數係點計，總之我地就每人20蚊美金啦﹗旅行社只負責交通、英語導賞同埋午餐﹗ 去SACRED VALLEY的旅行社資料 依家睇返資料，個朝出發應該唔係太早，但諗唔起點解無係PARIWANA（CUSCO留宿既旅館）食免費早餐，而選擇一早出門口係街邊買野食，可能係想試下道地早餐，又或者係想早尐出門口四圍影下相﹗﹗其實旅行社離旅館唔係好遠，但海拔高，同行既團友要放慢腳步調節呼吸﹗同團除左我地五個人，好似仲有六個外國旅客﹗ 遺址地圖 很美的村莊 Mini Van離開Cusco就一路上山，有路經過Sacayhuman同離遠見到白色耶蘇像，原來真係咁近，但入夜又唔敢自己搭的士再上泥，要不近距離睇耶蘇像我估會幾靚。我有係市中心用zoom鏡影到，但唔算好清，係Cusco篇先再搵返張相出泥吧！ 上到山無耐，導遊係一條小村莊停左一陣車，原來佢就住係個度，路過帶點日用品比鄰居。好喜歡這種左鄰右里互相關照既感覺。導遊（sorry，唔記得叫咩名，到抵搞咩哩，個日既野好似唔係好記得咁）有大概有提過，Cusco曾經係印加帝國既首都，上山住既係其他族人。當年印加雖然好強大，但亦大覇道，對其他民族好唔友善，亦因為咁，當西班牙人入侵，無人肯出手幫忙。 進入PISAC遺址囉 我灺第一站就去左睇Pisac，途中導遊仲有再停過車，講解左一尐印加族人既種植智慧，亦有提及薯仔同粟米既品種，你有興趣可以買點種子當手信。要知道氣候同土壤對農係物係好大影響，南美天氣同香港差太遠，即便帶到返港都未必種到，所以我無買到。另外依家大家都會講既Super food Quinoa都係南美盛產，我地去到Ollantaytambo總算親眼見到真身，後尾去玻利維亞既路上，沿路見到一片一片既藜麥田，都幾靚架。 一來就得往山上走 印加族人，除了有讓人讚嘆的建築造詣，還有很高的種植智慧 導遊對歷史和地理都有很深入研究，據說都得在大學上課的﹗不單對遺蹟了解，還能清楚說出每個遺蹟的關係和地形與當時印加皇國的關係 講返先，本來行程除左行Pisac遺址，仲會行Pisac market，但導遊話太商業，叫我地如果買手信都係返Cusco市中心買，所以我地無去到Pisac Market，係遺址留耐左時間慢慢睇慢慢行。 去到Pisac基本上一路都係上斜，有人已經氣喘，我要負責做porter孭住三枝鏡行山。導遊對四周環境認識好深，隨手就係地上畫左地圖，印加族人既王國係依 Rio Urubamba而建，但因河流凶湧，經常河水氾濫，所以選擇將城鎮農地建係山上，山上來來種植困難，為左求存，於是衍生左一套超凡既種植同建築枝巧。 點樣搵地下水，點樣儲存雨水，點樣建造疏水又保溫既梯田，點樣陡峭既山勢建路遊走但又可避過敵人的攻打，點樣利用山上清涼既環境保存食物等等。印加族人或許沒有文字，但卻深諳與大自然共存。 即使先人過世，仍然選擇墓地向東，以作敬拜，但也符合環境學，以日照保存墓地的乾爽。也因為沒有文字，至今考古學家仍無法理解到底當年沒癴機械沒有工具輔助下，印加族人如何將巨石從老遠運到遺址打造古城，到底何來智慧可建造出能抵禦地震也不倒塌的一切?每塊石的接合細緻得連紙張也無法插進去。 在高地種植，半點不易，所以四周都有梯田，以確保有充裕的糧食 到底古印加族人，是怎樣在高海拔地方生活的哩﹖每天爬山，不累嗎﹖ 整齊的圍牆 印加族人的古建築都是用巨石建成，但即使遇上地震也不用影響，原因是每塊石接合位都有玄機 這些是古印加族人的墳墓，都是向東的，是種參拜，但也合付環境學，很有智慧的做法 沿途導旅都會停低講解，所以所有古蹟都係單程路，方便控制人流，免生意外 導遊正講解身後的連針也無法插進去的石牆的古事 海拔3千多，怪不得舉步為艱 聽左一大堆故事，係時候醫肚啦。午餐係自助形式，南美人既肉食一般都係煎炸，又好重味既。肉食以外，亦有好多素菜，團友們都投訴不太合口胃，對於傾向茹素既我，反而來得輕鬆。 提供團餐既餐廳 自助午餐 環境不錯 南美一定要飲既PISCO SOUR 餐廳仲有現場演奏 餐廳環境不錯 還是有點不在狀態，今天到此為止，待續﹗﹗ 相關閱讀：南美之旅（OLLANTAYTAMBO住宿篇）
