鄉下仔少出城，好少會去試新食店！而且老人家開始固板，鍾意食人情味多過人氣味，來來去去都係食個幾間食肆！ 近排同朋友去左兩間新食店（意思唔係店舖新開，而係我地自己未去過），其中一間係大角咀附近既老掌櫃東北菜館。訂檯個陣，服務員隨例話你知用餐時間1.5小時，長過午飯時間少少。本來諗住，周三該不會有太多食客，逾時不至於被趕吧！誰不知，那管位置不算便捷，周日的晚市仍然其門如市，8點半就得埋單，離開時門外人潮湧湧。難怪，食物質素不俗，價錢相宜，水煮龍利柳才88，6個人抱腹離去埋單才只530。自從在西藏吃過當地的水煮魚，偶爾總想回味一下，只可惜在香港沒幾家能重拾那種味道，往後，萬一魚癮發作，大可過來一解相思之苦。 失魂的我，見到好友太雀躍，只掛著聊天，都忘了拍照。 雖然又平又好食，美中不足的是要限時交檯。對我來說，飯局從來都是相聚比食物重要，從前最愛到尖沙咀的Our Wonderland餐廳，環境舒適，食物可口，即正是無限用膳時間，可以跟好友慢慢詳談。不過，站在商業層面來看，客人流量低，的確影響收入。 上周四同朋友到Schnee的銅鑼灣分店，訂檯時居然沒有提及用餐時間，只是提及暫時只收現金，追問下才知只有周五，六，日才有分段，用餐兩小時，平日並沒用餐時限。太感動了吧，沒有時限，可以輕鬆地詳談。 Schnee銅鑼灣店就在灣你消防局後面，越華會好像也很吸引，下次要約朋友試試 Schnee，雪的意思，本店在筲箕灣 沒想到，訂檯6位，餐廳居然騰出房間給我們 6個人，就得到一個房間，証明客人不多，可以安靜地跟朋友歡聚 很濃的薯仔湯，食完飽左一半 薯仔餅，香脆可口 德國餐廳一定有既腸仔併盤 食乳豬唔一定要去中式餐廳既，德國乳豬都好好味，一樣皮脆肉嫩 全晚主角，德國豬手 除左德國啤，哩杯signutre dirnk都好好味，Schnee係打碎左既荔枝肉同蘋果肉既梳打，好清爽，食肉最啱 有人早前睇無線既夜宵磨介紹過Schnee筲箕灣既本店，但節目裡面見到砌豬手個下，聽倒都知個皮脆，粉紅色既肉又嫩又多汁，睇完已一直話想試，但筲箕灣又有點遠。 難得一班朋友約食飯想試新野，又即管去湊下熱鬧。食物果然名不虛傳，但最正既係無限用餐時間，訂檯6位，但實際只得5位，服務生居然比間十人房我地，嘩，會唔會有最低消費架。哈，可能佢地驚我地太嘈，塞左我地入房唔使嘈住其他客人， 所以唔會有什麼最低消費。 我對肉食興趣唔大，最開心既似佢地既Pretzel好好食，熱㷫㷫皮又脆，好食到唔記得左影相。 以前想食德國鹹豬手，基本只得兩個選擇，但後尾兩間比左大財團收購左之後，感覺食物質素唔同左，所以少左去。以後。。。要食鹹豬手，多左個選擇，去銅鑼灣消防局後面就可以了，呵呵，要繼續堅持啊！
