接連幾日的聖誕聚餐，人開始有點疲態。跑步，瑜伽，通通全都得讓路，趕忙的行程，過著吃貨的假期，感覺有點頹廢。但跟各方好友聚頭，頹廢中總算是滿載溫馨和回憶吧﹗ 要數今年最特別的經驗，可算是聖誕夜睇大戲。朋友是圍村人，適逢12月25日是她們十年一次太平清醮的正誕，朋友建議到她住所湊湊熱鬧。於是，聖誕日，無聖誕老人，無聖誕樹，無聖誕燈飾，無聖誕大餐，當然亦無聖誕歌。換來的是依然熱鬧的圍村盆菜，戲棚，鑼鼓，粵劇同大老官，當然亦唔小得一大堆既懷舊小食，居然仲有吹糖同炸油池，感覺好懷舊，但又好新鮮。 家母算是半個粵劇迷，對粵劇略有認識，但總覺這傳統的文化活動有點老氣，太正經太嚴肅，自己還沒到這個年紀去欣賞，所以鮮有接觸﹗這次只是鬧著玩一班朋友來湊熱鬧，人生第一次親身在欣賞粵劇竟然是在氣氛完全扯不上關係的聖誕夜，實在難得﹗意想不到的是，原來演出並不沈悶，也許是一眾大老官已因應觀眾調整對白，演出過程用語表情都相當幽默生鬼，更不時會爆肚逗台下觀眾發笑，好不熱鬧﹗ 另外，雖然跟朋友已認識多年，但平時的活動都是時下城市人一般的節目，要不是這個不一樣的聖誕，實在不會察覺原來身邊幾位好友都是粵劇迷，不單深韻劇目，台詞對白更是能朗朗上口，跟平時相處的判若兩人﹗算是更加了了解﹗ 題外話，太信任手機的拍攝功能，在夜晚拍攝，總忘了有可能因光線不足而出現走焦情況﹗事後才發現很多相片也糊了﹗ 一直既印象，圍村既祠堂都係好古舊既，原來都好雅緻好靚架 正所謂入屋叫人，入廟拜神，適逢太平清醮，大家入場前都得同天后娘娘鞠躬行禮 無諗過聖誕夜既活動居然係睇大戲 好大既戲棚，開場後座無虛席 唔單止有免費大戲睇，仲係出名既劇團，難得難得 第一次現場䏲大戲 久違了的炸油池 好靚既手工藝品 仲有好多兒時回憶 仲有好多兒時回憶 仲有好多兒時回憶
